Golliwudyň hindi režissýory M. Naýt Şýamalanyň täze filminde baş keşbi meksikaly tanymal aktýor Gael Garsiýa Bernal ýerine ýetirer. “6-njy duýgy” (The Sixth Sense) filmi bilen adygan režissýoryň täze kinosynda Garsiýa Bernaldan başga-da Eliza Skanlen, Tomasin Makenzi, Aaron Pierr, Aleks Wolff, Wiki Krips, Abbi Li, Ken Leung ýaly artistler hem dürli keşplerde surata düşerler. Ady belli edilmedik täze filmiň ekranlarda görkeziljek wagty 2021-nji ýylyň 23-nji iýuly diýlip bellenildi. “Universal” kompaniýasynyň garamagyndaky filmiň ssenarisini režissýoryň özi ýazar. Şol bir wagtyň özünde Şýamalan filme prodýuserlik hem eder.
