ABŞ-nyň Nýu Ýork şäherinde geçirilýän “Amerika Açyk” tennis ýaryşynyň 4-nji tapgyrynda täsin we garaşylmadyk waka boldy. Sanawyň 1-nji belgilisi, serbiýaly Nowak Jokowiç bilen ispaniýaly Pablo Karreno Bustanyň duşuşygynyň 1-nji setinde ispan tennisçi 6:5 öňe saýlanypdy. Bu ýagdaýa gahar eden Nowak Jokowiç topy gahar bilen urup goýberdi we şol top eminleriň birine degip, ony ýere ýykdy. Dessine eminden ötünç soran Jokowiç baş emin tarapyndan oýundan çykaryldy. Netijede, Busta çärýek finala çykan tennisçi boldy. Jokowiç şu möwsümde geçiren 26 duşuşygynda ýeňiş gazanypdy. 33 ýaşly tennisçi 18-nji “Uly tuwulgasyny” gazanmagy maksat edinýärdi. Ol soňky 20 ýylda “Uly tuwulgalarda” ýaryşdan çykarylan ilkinji, umumylykda-da 5-nji tennisçi boldy.
