“Premier Liganyň” wekili “Ewerton” düzümini 29 ýaşly 2 ýarymgoragçy bilen güýçlendirdi. Toparyň tälimçisi Karlo Ançelotti ozalky şägirtlerinden braziliýaly Allany “Napoliden”, kolumbiýaly Hames Rodrigesi bolsa “Real Madridden” transfer etdi. “Ewerton” kluby Allan üçin italýan toparyna 21,7 million funt sterling, 3-nji gezek Ançelottiniň topary bilen şertnama baglaşan Hames üçin bolsa “Real Madride” 12 million funt sterling tölär. Iki oýunçy-da täze klublary bilen 3 ýyllyk şertnama baglaşdy.
Şeýle-de “Liondan” çep gyraky fransuz goragçysy, 19 ýaşly Niels Nkunkuny tölegsiz alan “Ewerton” “Watfordyň” fransiýaly ýarymgoragçysy, 27 ýaşly Abdulaýe Dukury hem transfer etdi. Liwerpul şäheriniň kluby Dukur üçin “Watforda” 20 million funt sterling berer.
