UEFA Ýewropa Ligasynda “Arsenal”, “Molde”, “Benfika”, “Reýnjers”, “AZ Alkmaar”, “Lester Siti”, “Braga”, “Milan”, “Wilýarreal”, “Makkabi Tel-Awiw”, “Antwerpen” hem-de “Hoffenhaým” klublary bu tapgyrda-da ýeňiş gazandy. “Arsenal” öz meýdançasynda irlandlaryň “Dandolk” toparyny Nketiah, Willok hem-de Pepeniň gollary bilen 3-0 utdy.
UEFA Ýewropa Ligasynyň çäginde 23 oýundan bäri öz meýdançasynda ýeňilmän gelýän “Benfika” topary “Standard Lieži” Pizziniň 2 gol geçiren duşuşygynda 3-0 ýeňdi. 1-nji tapgyrda garaşylmadyk ýagdaýda utulan PSW myhmançylykda “Omoniýany” soňky minutlarda geçiren goly bilen 2-1 hasabynda ýeňlişe sezewar etdi. 1-nji tapgyrda öz meýdançasynda “AZ Alkmaardan” 1-0 utulan “Napoli” şol hasap bilen myhmançylykda “Real Sosiedady” ýeňip, şol ýeňlişiň öwezini doldy. Italýan toparynyň ýeke-täk goluny 56-njy minutda Politano geçirdi.
1-nji duşuşyklarynda öz meýdançalarynda garşydaşlaryny 3-0 ýeňen “Lester Siti” bilen “Braga” bu tapgyrda-da birmeňzeş hasaplar bilen 2–1 hasabynda ýeňiş gazandylar. “Lester Siti” AEK-i, “Braga” bolsa “Zorýany” myhmançylykda 2-1 hasabynda ýeňlişe sezewar etdi.
Umumylykda 23 oýunda bäri ýeňlişsiz barýan Milan 2-nji duşuşygynda 3 gol geçirip, 3 utuk gazandy. Diaz, Leao hem-de Dalo ýaly ýaş oýunçylarynyň tapawutlanmagynda “Sparta Pragany” 3–0 utan “Milanyň” ýaşuly futbolçysy Zlatan Ibrahimowiç 11 metrlik jerime urgusyndan ýerlikli peýdalanyp bilmedi. Milan soňky 90 ýylda ilkinji gezek 12 oýunda yzly-yzyna 2 we 2-den köp gol geçirdi.
“Wilýarreal Pako Alkaseriň ýene-de 2 gol geçiren oýnunda myhmançylykda “Garabagy” 3–1 ýeňdi. “Tottenham” myhmançylykda “Roýal Antwerpenden” 1-0 asgyn geldi. Tapgyryň iň çekeleşikli geçen duşuşygynda Awstriýanyň LASK topary Bolgariýanyň “Ludogores” toparyny 4-3 utdy. Myhmanlardan Manunyň geçiren 3 gol ýeňşe ýeterlik bolmady.
“K” toparçada “Feýenoord” öz meýdançasynda Awstriýanyň “Wolfsberger” toparyndan 4-1 utuldy. Myhman topar geçiren gollarynyň 3-si penaltiden bolup, oýunda Mihael Liendl het trik etdi. Ol 2 goluny penaltiden geçirdi. “L” toparçada “Hoffenhaým” bilen “Srwena Zwezda” klublary uly hasaplar bilen ýeňiş gazanmagy başardy.
“A”: “Roma”–“SSKA Sofiýa”: 0–0, “KFR Kluž”–“Ýang Boýz”: 1–1
“B”: “Arsenal”–“Dandolk”: 3–0, “Molde”–“Rapid Wien”: 1–0
“C”: “Slawiýa Praga”–“Baýer”: 1–0, “Nissa”–“Hapoel Beer-Şewa”: 1–0
“D”: “Benfika”–“Standard Liež”: 3–0, “Reýnjers”–“Leh Poznan”: 1–0
“E”: “Omoniýa”–“PSW Eýndhowen”: 1–2, “Granada”–PAOK: 0–0
“F”: “Real Sosiedad” – “Napoli”: 0–1, “AZ Alkmaar” –“ Riýeka”: 4-1
“G”: AEK–“Lester Siti”: 1-2, “Zorýa Lugansk”- “Braga”: 1-2
“H”: “Milan”–“Sparta Praga”: 3-0, “Lill”–“Seltik”: 2-2
“I”: “Garabag” –“Wilýarreal”: 1-3, “Siwasspor”–“Makkabi Tel-Awiw”: 1-2
“J”: LASK–“Ludogores”: 4-3, “Antwerpen”–“Tottenham”: 1-0
“K”: “SSKA Moskwa”–“Dinamo Z”: 0-0, “Feýenoord”–“Wolfsberger”: 1-4 “L”: “Gent”–“Hoffenhaým”: 1-4, “Srwena Zwezda”–“Slowen Liberes”: 5-1
