Aýdym-saz dünýäsiniň abraýly sylaglaryndan MTV Ýewropa aýdym-saz baýraklarynyň şu ýylky ýeňijileri 8-nji noýabrda Londonda hem-de Budapeştde geçiriljek dabarada mälim ediler. Birnäçe meşhur aýdymçynyň çykyş etjek dabarasy onlaýn görnüşde geçiriler we ony “Little Mix” (London) hem-de Barbara Palwin alyp barar.
27-nji gezek gowşuryljak MTV Ýewropa aýdym-saz baýraklarynda iň gowy aýdym ugrunda “Dynamite” (BTS), “Rockstar” (DaBaby), “Don’t Start Now” (Dua Lipa), “Rain on Me” (Lady Gaga bilen Ariana Grande), “The Box” (Roddy Ricch) hem-de “Blinding Lights” (The Weeknd) aýdymlary dalaşgär görkezilipdi. Iň gowy şekilli aýdym baýragyna-da “Everything I Wanted” (Billie Eilish), “WAP” (Cardi B), “Popstar” (DJ Khaled), “Tusa” (Karol G), “Rain on Me” (Lady Gaga, Ariana Grande), “The Man (Taylor Swift) hem-de “Blinding Lights” (The Weeknd) aýdymlarynyň haýsy hem bolsa biri laýyk görler. Ýylyň iň gowy aýdymçysy baýragy ugrunda-da Dua Lipa, Harry Styles, Justin Bieber, Lady Gaga, Miley Cyrus hem-de The Weeknd dagy dalaş ederler.
