Türk­me­nis­tan – Bi­ta­rap­lygyň me­ka­ny

Döw­let ber­ka­rar­ly­gy­my­zyň berk bin­ýa­dy bo­lan Ga­raş­syz­ly­gy­myz­dan soň Bir­le­şen Mil­let­ler Gu­ra­ma­sy­nyň Baş As­samb­le­ýa­sy ta­ra­pyn­dan he­mi­şe­lik Bi­ta­rap­ly­gy­my­zyň yk­rar edil­me­gi ata-ba­ba­la­ry­my­zyň hoş­ni­ýet­li ýö­rel­ge­le­ri­niň bü­tin dün­ýä aýan edil­me­gi­niň da­ba­ra­lan­ma­sy bol­dy. Bu ta­ry­hy wa­ka Türk­me­nis­ta­nyň se­çip alan içe­ri we da­şa­ry sy­ýa­sat­la­ry­nyň yn­san­per­wer­li­ge da­ýan­ýan­dy­gy­ny, ab­raý­ly hal­ka­ra gu­ra­ma­lar bi­len mak­sa­da­la­ýyk hyz­mat­daş­lyk et­mä­ge taý­ýar­dy­gy­ny äle­me äş­gär et­di.

Türk­me­nis­ta­nyň he­mi­şe­lik Bi­ta­rap­ly­gy pa­ra­hat­çy­ly­gyň ta­rap­da­ry bo­lup ge­len döw­le­ti­mi­ziň dip­lo­ma­ti­ýa sun­ga­ty­nyň mun­dan beý­läk hem ösüş­le­ri na­zar­la­ma­gy­na giň ýol­la­ry aç­dy. Şeý­le­lik bi­len, Türk­me­nis­ta­nyň he­mi­şe­lik Bi­ta­rap­ly­gy hä­zir­ki za­ma­nyň äh­lu­mu­my howp­suz­ly­gy­ny üp­jün et­mek, ýurt­la­ryň deň­hu­kuk­ly we öza­ra peý­da­ly hyz­mat­daş­ly­gy­ny iler­let­mek, dur­nuk­ly ösü­şiň mak­sat­la­ry­na ýet­mek ug­run­da­ky ta­gal­la­la­ry bir­leş­di­ri­ji gu­ra­la öw­rül­di. Mä­lim bol­şy ýa­ly, hor­mat­ly Pre­zi­den­ti­mi­ziň 2019-njy ýy­lyň 6–njy de­kab­ryn­da gol çe­ken «Türk­me­nis­ta­nyň he­mi­şe­lik Bi­ta­rap­ly­gy­nyň şan­ly 25 ýyl­ly­gy my­na­sy­bet­li hal­ka­ra mas­la­ha­ty­ny, da­ba­ra­la­ry we çä­re­le­ri ge­çir­mek ha­kyn­da» Ka­ra­ry­na la­ýyk­lyk­da, «Türk­me­nis­ta­nyň he­mi­şe­lik Bi­ta­rap­ly­gy­nyň şan­ly 25 ýyl­ly­gy my­na­sy­bet­li 2020-nji ýyl­da Türk­me­nis­tan­da we da­şa­ry ýurt­lar­da ge­çi­ril­jek da­ba­ra­la­ryň we çä­re­le­riň Me­ýil­na­ma­sy» tas­syk­lan­dy. Bu Me­ýil­na­ma esa­syn­da ýur­du­my­zyň äh­li ul­gam­la­ryn­da şu ýyl­da dür­li gör­nüş­li çä­re­ler, mas­la­hat­lar we beý­le­ki da­ba­ra­lar ge­çi­ril­ýär. Şol çä­re­le­riň her bi­ri Türk­me­nis­tan döw­le­ti­mi­ziň he­mi­şe­lik Bi­ta­rap­ly­gy­nyň şan­ly 25 ýyl­ly­gy­ny şöh­rat­lan­dyr­mak­da, ber­ka­rar döw­le­ti­mi­ziň umu­ma­dam­zat bäh­bit­li hal­ka­ra baş­lan­gyç­la­ry­ny giň­den wa­gyz et­mek­de hem-de dün­ýä ýaý­mak­da mö­hüm äh­mi­ýe­te eýe bol­ýar.
Ýur­du­myz­da uly äh­li­halk baý­ram­çy­lyk­la­ry­nyň öňü­sy­ra­syn­da tä­ze bi­na­la­ry açyp ulan­ma­ga ber­mek asyl­ly dä­be öw­rül­di. Şu ýyl Wa­ta­ny­my­z Bi­ta­rap­lyk hukuk ýagdaýyna eýe bol­ma­gy­nyň şan­ly 25 ýyl­lyk se­ne­si­ne bes­len­di. Bu uly baý­ra­myň öňü­sy­ra­syn­da dür­li mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň, Aş­ga­bat şä­her hä­kim­li­gi­niň hem-de Se­na­gat­çy­lar we te­le­ke­çi­ler bir­leş­me­si­niň bu­ýur­ma­la­ry esa­syn­da bir­nä­çe eda­ra-kär­ha­na­lar, sag­lyk mer­kez­le­ri, döw­re­bap ýol­lar we ýa­şa­ýyş jaý top­lum­la­ry gur­lup ula­nyl­ma­ga be­ril­di. «Türk­me­nis­tan – Bi­ta­rap­ly­gyň me­ka­ny» ýy­lyn­da he­mi­şe­lik Bi­ta­rap­ly­gy­my­zyň şan­ly 25 ýyl­ly­gy­na ba­gyş­la­nan ga­ze­ti­mi­ziň ýö­ri­te sa­nyn­da Wa­ta­ny­my­zyň Bi­ta­rap­ly­gy­nyň 25 ýyl­lyk to­ýu­nyň öň ýa­nyn­da baý­ram­çy­lyk my­na­sy­bet­li ge­çi­ri­len mas­la­hat­la­ryň we da­ba­ra­ly çä­re­le­riň iň esa­sy­la­ry bi­len ta­nyş­dyr­ma­gy ma­kul bil­dik.

«Türk­men­tel — 2020» at­ly XIII hal­ka­ra on­laýn mas­la­ha­ty
24-25-nji no­ýabr­da öň­de­ba­ry­jy teh­no­lo­gi­ýa­la­ry we in­no­wa­si­on iş­läp taý­ýar­la­ma­la­ry dur­mu­şa iş­jeň or­naş­dyr­mak­da, te­le­kom­mu­ni­ka­si­ýa ul­ga­myn­da hal­ka­ra hyz­mat­daş­ly­gy pug­ta­lan­dyr­mak­da, ata Wa­ta­ny­my­zy mun­dan beý­läk-de hem­me­ta­rap­la­ýyn ös­dür­mek­de mö­hüm äh­mi­ýe­ti bo­lan Türk­me­nis­tan­da san­ly yk­dy­sa­dy­ýet we in­no­wa­si­on teh­no­lo­gi­ýa­lar bo­ýun­ça «Türk­men­tel — 2020» at­ly XIII hal­ka­ra on­laýn mas­la­ha­ty ge­çiril­di.

De­mir-be­ton önüm­le­ri­ni ön­dür­ýän za­wod
19-njy no­ýabr­da Gök­de­pe et­ra­byn­da hu­su­sy işe­wür­lik ul­ga­my­nyň se­na­gat des­ga­sy­nyň — de­mir-be­ton önüm­le­ri­ni ön­dür­ýän za­wo­dy­ň açy­lyş da­ba­ra­sy bol­dy.
«Aga gur­lu­şyk» hu­su­sy kär­ha­na­sy ta­ra­pyn­dan gur­lan tä­ze des­ga­nyň umu­my meý­da­ny 6 gek­ta­ra ba­ra­bar­dyr. Kär­ha­na­nyň tas­la­ma kuw­wat­ly­ly­gy — öl­çe­gi 300 mil­li­metr­den 1200 mil­li­met­re çen­li bo­lan ýyl­da 500 müň metr de­mir-be­ton tur­ba­la­ry­ny çy­kar­mak­dan yba­rat­dyr. Des­ga­nyň çäk­le­rin­de do­lan­dy­ryş bi­na­sy, önüm­çi­lik bö­lüm­le­ri hem-de beý­le­ki kö­mek­çi bi­na­lar ýer­leş­di­ril­di. Bu ýer­de 100-den gow­rak iş orun­la­ry, zäh­met çek­mek üçin ze­rur şert­ler dö­re­dil­di.

Döw­re­bap guş­çu­lyk top­lu­my
17-nji no­ýabr­da Wa­ta­ny­my­zyň Bi­ta­rap­ly­gy­nyň 25 ýyl­ly­gy­nyň öň ýa­nyn­da Ahal we­la­ýa­ty­nyň Gök­de­pe et­ra­byn­da to­wuk ýe­tiş­dir­ýän kär­ha­na­nyň açy­lyş da­ba­ra­sy bol­dy.
Te­le­ke­çi To­par Ata­ýe­we de­giş­li bo­lan döw­re­bap guş­çu­lyk top­lu­my­nyň gur­lu­şy­gy «Emir og­ly» hu­su­sy kär­ha­na­sy ta­ra­pyn­dan ýe­ri­ne ýe­ti­ril­di. 4 gek­tar meý­dan­da gur­lan top­lu­myň çä­gin­de eda­ra ja­ýy, to­wuk ke­tek­le­riň 9-sy, ho­ja­lyk se­riş­de­le­ri üçin am­mar, iým am­ma­ry, ho­ja­lyk des­ga­sy, suw how­dan­la­ry, suw be­ke­di we beý­le­ki kö­mek­çi des­ga­lar ýer­leş­ýär. Kär­ha­na­nyň çä­gin­dä­ki des­ga­lar­da in­no­wa­si­on hä­si­ýet­li döw­re­bap teh­no­lo­gi­ýa­lar otur­dy­lan­dyr. Bu bol­sa, guş­çu­lyk top­lu­myn­da bir tap­gyr­da 115 müň 500 broý­ler to­wuk­la­ry­ny ýe­tiş­dir­mä­ge müm­kin­çi­lik ber­ýär.
«Türk­men ala­ba­ýy» ýa­dy­gär­lik bi­na­sy
Döw­let Baş­tu­ta­ny­my­zyň baş­lan­gy­jy bi­len otur­dy­lan «Türk­men ala­ba­ýy» at­ly heý­kel Mag­tym­gu­ly şa­ýo­lu­nyň esa­sy çat­ryk­la­ry­nyň bi­ri­niň baş be­ze­gi­ne öwrüldi. Heýkelde alabaýlaryň öz­bo­luş­ly aý­ra­tyn­ly­gy öz be­ýa­ny­ny tap­ypdyr. Onuň be­ýik­li­gi 6 met­re ba­ra­bar­dyr. Ol be­ýik­li­gi 9 met­re ba­ra­bar bo­lan pos­ta­ment­de or­naş­dy­ryl­dy. Şeý­le­lik­de, dia­met­ri 36 met­re ba­ra­bar bo­lan meý­dan­ça­da ýer­le­şen 15 metr­lik heý­kel äh­li ta­rap­dan we alys­lar­dan gö­rün­ýär.

«Gül ze­min» söw­da-dynç alyş mer­ke­zi
Mag­tym­gu­ly şa­ýo­ly bi­len Tas­la­ma kö­çe­si­niň çat­ry­gyn­da ýaý­baň­lan­dy­ry­lan giň möç­ber­li gur­lu­şyk iş­le­ri­ni ýur­du­my­zyň «Al­tyn» ho­ja­lyk jem­gy­ýe­ti­niň iş­gär­le­ri ýe­ri­ne ýe­tir­di­ler. 3,8 gek­tar meý­da­ny bo­lan tas­la­ma­da 43 müň 560 ine­dör­dül metr ýer­de üç gat­ly bi­na gu­rul­dy. Bu ýer­de 800 orun­lyk we 400 orun­lyk toý da­ba­ra­la­ry­ny ge­çir­mek üçin iki zal, 200 orun­lyk we 100 orun­lyk res­to­ran­lar, 5 sa­ny çaý­ha­na bar. Bi­na­nyň bi­rin­ji ga­ty­nyň 15 müň ine­dör­dül metr­den gow­rak ýe­rin­de bö­lek söw­da dü­ka­ny bar. Aly­jy­la­ra ýo­ka­ry hil­li ha­ryt­la­ry we hyz­mat­la­ry hö­dür­le­ýän mar­ket­ler, söw­da dü­kan­la­ry­nyň 65-si hä­zir­ki za­man ül­ňü­le­ri esa­syn­da en­jam­laş­dy­ryl­dy. Şeý­le hem bu ýer­de dur­muş hyz­mat­la­ry eda­ra­sy we der­man­ha­na ýer­leş­ýär.
Bi­na­nyň üçün­ji ga­tyn­da her bi­ri 90 orun­lyk ki­no­zal­la­ryň iki­si­ni, bir wag­tyň özün­de ça­ga­la­ryň 300-si­ni ka­bul edip bil­jek dür­li att­rak­si­on­la­ry öz içi­ne al­ýan dynç alyş we şü­we­leň­ler zo­la­gy ýer­leş­ýär. Kör­pe­ler üçin oýun meý­dan­ça­la­ry­nyň 4-si göz öňün­de tu­tu­lyp­dyr.

Ýo­kanç ke­sel­ler has­sa­ha­na­sy
13-nji no­ýabr­da hor­mat­ly Pre­zi­den­ti­mi­ziň gat­naş­ma­gyn­da ýur­du­my­zyň sag­ly­gy go­ra­ýyş ul­ga­my­nyň ýe­ne bir mö­hüm des­ga­sy­nyň — Gök­de­pe et­ra­by­nyň Yz­gant oba­syn­da 200 orun­lyk tä­ze Ýo­kanç ke­sel­ler has­sa­ha­na­sy­nyň açy­lyş da­ba­ra­sy bol­dy. Has­sa­ha­na­nyň tä­ze 3 gat­ly bi­na­lar top­lu­myn­da ýi­ti res­pi­ra­tor we an­gi­na ke­sel­le­ri­ni, ýo­kanç iç­geç­me ke­sel­le­ri­ni, sa­ry­ge­tir­me we beý­le­ki ýo­kanç ke­sel­le­rini be­jer­mek üçin äh­li ze­rur şert­ler dö­re­di­len­dir. Hal­ka­ra ül­ňü­le­re la­ýyk­lyk­da bi­na edi­len we en­jam­laş­dy­ry­lan has­sa­ha­na bir wagt­da 200 nä­sa­gy — ulu­la­ry we ça­ga­la­ry be­jer­mek üçin ka­bul edip bi­ler.

Bag ek­mek bo­ýun­ça äh­li­halk çä­re­si
7-nji no­ýabr­da ýurdumyzda hor­mat­ly Pre­zi­den­ti­mi­ziň gat­naş­ma­gyn­da bag ek­mek bo­ýun­ça äh­li­halk çä­re­si ge­çi­ril­di. Çä­rä­niň do­wa­myn­da döw­let Baş­tu­ta­ny­myz sos­na na­hal­la­ry­nyň 30 düý­bü­ni oturt­dy. Şun­ça düýp na­hal­la­ryň ekil­me­gin­de çuň­ňur ma­ny bar, çün­ki mu­nuň özi mäh­ri­ban Wa­ta­ny­my­zyň Ga­raş­syz­ly­gy­nyň 30 ýyl­ly­gy­na giň­den taý­ýar­lyk gör­me­giň ba­şy­nyň baş­lan­ýan­dy­gy­ny ala­mat­lan­dyr­ýar.
Tu­tuş 2020-nji ýy­lyň do­wa­myn­da bol­sa ýur­du­my­zyň Bi­ta­rap­ly­gy­nyň 25 ýyl­ly­gy­nyň hor­ma­ty­na Türk­me­nis­tan­da sa­ýa­ly, pür­li, mi­we­li agaç­la­ryň hem-de üzü­miň 25 mil­li­on düý­bi otur­dy­lar.

«Sag­lyk» bi­na­sy
6-njy no­ýabr­da «Ba­ga­bat» şy­pa­ha­nasyna bar­ýan döw­re­bap ýo­luň ug­run­da be­lent baş­ly «Sag­lyk» bi­na­sy­nyň açy­lyş da­ba­ra­sy bol­dy. Alys­lar­dan se­leň­läp gö­rün­ýän «Sag­lyk» bi­na­sy­nyň umu­my be­ýik­li­gi 25 met­re we gur­lu­şyk meý­da­ny 1256 ine­dör­dül met­re ba­ra­bar bo­lan bu bi­na ýur­du­my­zyň sag­ly­gy go­ra­ýyş ul­ga­my­nyň ga­za­nan­la­ry­ny hem-de Di­ýa­ry­myz­da ra­ýat­la­ry­my­zyň sag­ly­gy­ny go­ra­mak, sag­dyn dur­muş ýö­rel­ge­le­ri­ni ber­ka­rar et­mek bo­ýun­ça al­nyp ba­ryl­ýan giň ge­rim­li iş­le­ri ala­mat­lan­dyr­ýar.

4 gat­ly ýa­şa­ýyş ja­ýy
«Ba­ga­bat» şy­pa­ha­na­sy­nyň açy­lyş da­ba­ra­sy­nyň çäk­le­rin­de Ahal we­la­ýa­ty­nyň Ak bug­daý et­ra­by­nyň Mag­tym­gu­ly daý­han bir­le­şi­gin­de sag­ly­gy go­ra­ýyş iş­gär­le­ri üçin ni­ýet­le­ni­len döw­re­bap 4 gat­ly ýa­şa­ýyş ja­ýy­nyň açy­ly­şy bol­dy.
Bi­na otag­la­ry­nyň ýer­le­şi­şi go­wu­lan­dy­ry­lan öý­le­riň 48-si­ni öz içi­ne al­ýar. Şo­la­ryň 12-si üç otag­ly (meý­da­ny 160 ine­dör­dül metr), 24-si dört otag­ly (meý­da­ny 180 ine­dör­dül metr) hem-de 12-si bäş otag­ly (meý­da­ny 202 ine­dör­dül metr) öý­ler­dir.

Türk­me­nis­ta­nyň yk­dy­sa­dy ga­za­nan­la­ry — wir­tu­al ser­gide
1-nji no­ýabr­da ýur­du­my­zyň Bi­ta­rap­lyk hukuk ýagdaýyna eýe bol­ma­gy­nyň 25 ýyl­ly­gy­na ba­gyş­la­nyp Söw­da-se­na­gat eda­ra­sy ýur­du­my­zyň mi­nistr­lik­le­ri we pu­dak­la­ýyn do­lan­dy­ryş eda­ra­la­ry bi­len bi­le­lik­de giň möç­ber­li in­ter­net-tas­la­ma bo­lan Türk­me­nis­ta­nyň yk­dy­sa­dy ga­za­nan­la­ry­nyň wir­tu­al ser­gi­si­ni gu­ra­dy.
Ýö­ri­te­leş­di­ri­len in­ter­net-por­tal­lar­da ýur­du­my­zyň mi­nistr­lik­le­ri we pu­dak­la­ýyn do­lan­dy­ryş eda­ra­la­ry, iri kär­ha­na­la­ry we se­bit­le­ri wir­tu­al bö­lüm­le­ri gu­rap, da­şa­ry ýurt­ly hyz­mat­daş­la­ry we beý­le­ki köp san­ly in­ter­net se­riş­de­le­ri­ni ula­ny­jy­la­ry alyp bar­ýan iş­le­ri, Ber­ka­rar döw­le­ti­mi­ziň bag­ty­ýar­lyk döw­rün­de ga­za­nyl­ýan üs­tün­lik­ler we ýe­ti­len sep­git­ler, uzak möh­let­le­ýin öza­ra peý­da­ly hyz­mat­daş­ly­gy ýo­la goý­mak üçin müm­kin­çi­lik­ler we ägirt uly eks­port kuw­wat­lyk­la­ry bi­len ta­nyş­dyr­dy.

Lo­gis­ti­ka mer­ke­zi
30-njy okt­ýabr­da hor­mat­ly Prezidentimiziň gat­naş­ma­gyn­da Aw­tou­lag kär­ha­na­lar top­lu­my­nyň we Aw­to­mo­bil mek­dep­le­ri­niň bir­le­şi­gi­niň okuw-tür­gen­le­şik mer­ke­zi­niň açy­lyş da­ba­ra­sy bol­dy.
«Türk­me­naw­tou­lag­la­ry» agent­li­gi­niň bu­ýur­ma­sy bo­ýun­ça «We­li gur­lu­şyk» hu­su­sy kär­ha­na­sy ta­ra­pyn­dan gur­lan, 600 müň ine­dör­dül metr­den gow­rak meý­da­ny tut­ýan top­lum bir­nä­çe kär­ha­na­la­ryň des­ga­la­ry­ny, şol san­da Aş­ga­bat­da­ky ýo­lag­çy aw­tou­lag kär­ha­na­sy­ny, Aw­to­mo­bil mek­dep­le­ri bir­le­şi­gi­ni hem-de «Aw­tou­lag hyz­ma­ty» açyk gör­nüş­li paý­dar­lar jem­gy­ýe­ti­ni öz içi­ne al­ýar.

«Ja­han» dö­re­di­ji­lik mer­ke­zi
30-njy okt­ýabr­da paý­tag­ty­my­zyň As­ta­na kö­çe­si­niň ug­run­da Aş­ga­bat şä­he­ri­niň hä­kim­li­gi­niň bu­ýur­ma­sy bo­ýun­ça «Sport ýyl­dy­zy» hu­su­sy kär­ha­na­sy ta­ra­pyn­dan bi­na edi­len «Ja­han» dö­re­di­ji­lik mer­ke­zi da­ba­ra­ly ýag­daý­da açyl­dy. Dö­re­di­ji­lik mer­ke­zi­ni gur­mak üçin 5 gek­ta­ra go­laý meý­dan bö­lü­nip be­ril­di. Şun­da 28 müň ine­dör­dül metr­den gow­rak meý­dan aba­dan­laş­dy­ryl­dy, şeý­le hem şol çäk­de sport meý­dan­ça­sy, ýa­pyk we açyk aw­to­du­ral­ga­lar ýer­leş­di­ril­di. Bu­lar­dan baş­ga-da, «Ja­han» dö­re­di­ji­lik mer­ke­zi­niň go­la­ýyn­da ýa­pyk aw­to­bus du­ral­ga­sy gu­rul­dy.

«Ma­ha­bat» bi­na­sy
28-nji okt­ýabr­da paý­tag­ty­myz­da hor­mat­ly Prezidentimiziň gat­naş­ma­gyn­da S.Türk­men­ba­şy we A.Ny­ýa­zow şa­ýol­la­ry­nyň çat­ry­gyn­da­ky ýe­ras­ty aw­to­mo­bil we py­ýa­da ge­çel­ge­li «Ma­ha­bat» bi­na­sy ýer­leş­di­ri­len top­lu­myň açy­lyş da­ba­ra­sy bol­dy.
Paý­tag­ty­myz­da tä­ze gur­lan ýol-ulag dü­zü­mi­niň des­ga­lar top­lu­my 4,5 gek­tar meý­dan­da ýer­leş­di­ril­di. Gur­lu­şy­gyň umu­my meý­da­ny 44 340,95 ine­dör­dül met­re deň bol­dy. Ýe­ras­ty ge­çel­gä­niň uzyn­ly­gy 350 met­re ba­ra­bar­dyr.

«Di­wan» myh­man­ha­na­sy
28-nji okt­ýabr­da paý­tag­ty­myz­da hor­mat­ly Prezidentimiziň gat­naş­ma­gyn­da «Di­wan» myh­man­ha­na­synyň açy­lyş da­ba­ra­sy bol­dy.
Myh­man­ha­na­nyň tä­ze bi­na­syn­da 131 otag ýer­leş­di­ri­lip, olar stan­dart, lýuks, ýa­rym lýuks we VIP otag­lar­dan yba­rat­dyr. Şeý­le hem res­to­ran we ban­ket za­ly bar. Bu ýer­de myh­man­la­ryň oňat ýa­şa­ma­gy we me­de­ni­ýet­li dynç al­ma­gy üçin äh­li şert­ler göz öňün­de tu­tul­dy.

«Türk­me­nis­ta­nyň ne­bi­ti we ga­zy — 2020» at­ly XXV Hal­ka­ra mas­la­hat
28-29-njy okt­ýabr­da Söw­da-se­na­gat eda­ra­syn­da «Türk­men­gaz» we «Türk­men­ne­bit» döw­let kon­sern­le­ri­niň gu­ra­ma­gyn­da «Türk­me­nis­ta­nyň ne­bi­ti we ga­zy — 2020» at­ly XXV Hal­ka­ra mas­la­hat ge­çi­ril­di.
Ener­ge­ti­ka ul­ga­myn­da hal­ka­ra hyz­mat­daş­ly­gy pug­ta­lan­dyr­ma­ga we ös­dür­mä­ge gö­nük­di­ri­len bu iri ýö­ri­te­leş­di­ri­len fo­ru­ma 30-dan gow­rak döw­let­den iri kom­pa­ni­ýa­la­ryň 100-den gow­ra­gy ha­sa­ba alyn­dy. Bu bol­sa Türk­me­nis­ta­nyň da­şa­ry ýurt­ly işe­wür­ler to­par­la­ry üçin ma­ýa go­ýum ba­ba­tyn­da­ky özü­ne çe­ki­ji­li­gin­den ha­bar ber­ýär.

Döwrebap ýaşaýyş jaý toplumlary

10-njy no­ýabr­da hor­mat­ly Pre­zi­den­ti­mi­ziň gat­naş­ma­gyn­da paý­tag­ty­myz­da ýur­du­my­zyň baş şä­he­ri­ni ös­dür­me­giň 16-njy tap­gy­ry­nyň çäk­le­rin­de gur­lan dur­muş-me­de­ni mak­sat­ly iri des­ga­lar top­lu­my­nyň açy­lyş da­ba­ra­sy bol­dy.
Aş­ga­ba­dy ös­dür­me­giň 16-njy tap­gy­ry­nyň çäk­le­rin­de bu ýer­de 12 gat­ly 48 öý­li ýa­şa­ýyş jaý­la­ry­nyň 6-sy hem-de 72 öý­li ýa­şa­ýyş jaý­la­ry­nyň 10-sy bi­na edil­di, şo­la­ryň hem­me­si ýo­ka­ry amat­lyk­la­ry bo­lan we otag­la­ry­nyň ýer­leş­di­ri­li­şi go­wu­lan­dy­ry­lan öý­ler­dir. Ýa­na­şyk ýer­ler­de äh­li de­giş­li dü­züm­ler göz öňün­de tu­tu­lyp, umu­my uzyn­ly­gy 5 ki­lo­metr 564 met­re deň bo­lan tä­ze ýol­lar çe­kil­di, olar ze­rur teh­ni­ki se­riş­de­ler, ýe­ras­ty py­ýa­da ge­çel­ge­ler, hem-de ýo­lag­çy­lar üçin du­ral­ga­lar bi­len üp­jün edil­di.

Balkan welaýatynyň baş metjidi

25-nji no­ýabr­da hor­mat­ly Pre­zi­den­ti­mi­ziň gat­naş­ma­gyn­da Bal­kan we­la­ýa­ty­nyň Bal­ka­na­bat şä­he­rin­de we­la­ýa­tyň baş met­ji­di­niň açy­lyş da­ba­ra­sy bol­dy. Met­ji­diň umu­my meý­da­ny 14 gek­tar­dan gow­rak­dyr. Onuň bi­na­sy iki gat­dan yba­rat bo­lup, bir wag­tyň özün­de bu ýer­de 3000 adam na­maz okap bil­ýär. Metjidiň mi­na­ra­la­ry­nyň her bi­ri­niň bo­ýy 63 met­re, güm­me­zi­niň be­ýik­li­gi bol­sa 40 met­re deň­dir. Şeý­le hem, met­ji­diň gap­da­lyn­da 1500 orun­lyk sa­da­ka ja­ýy, 50 orun­lyk myh­man­ha­na we aw­to­du­ral­ga göz öňün­de tu­tul­dy.

«Ba­ga­bat» şy­pa­ha­na­sy

6-njy no­ýabr­da hor­mat­ly Pre­zi­den­ti­mi­ziň gat­naş­ma­gyn­da Ahal we­la­ýa­ty­nyň Ak bug­daý et­ra­by­nyň çä­gin­de hä­zir­ki za­man «Ba­ga­bat» şy­pa­ha­na­sy­nyň açy­lyş da­ba­ra­sy bol­dy. Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­sy­nyň bi­na eden şy­pa­ha­na­sy ýo­ka­ry hal­ka­ra öl­çeg­le­re ky­bap gel­ýän we bir­ba­da 200 ada­my ka­bul et­mä­ge ni­ýet­le­nen döw­re­bap top­lum­dyr. Şy­pa­ha­na­nyň dü­zü­mi­ne bal­neo­te­ra­pi­ýa, pal­çyk bi­len be­je­riş, anyk­la­ýyş-mas­la­hat be­riş, fi­zio­te­ra­pi­ýa bö­lüm­le­ri, ho­wuz­lar we SPA sa­lo­ny gir­ýär. Bu ýer­de ýo­ka­ry hü­när­li luk­man­lar ra­ýat­la­ryň sag­ly­gy­ny go­ra­mak­da, il­kin­ji no­bat­da bol­sa, dem alyş ýol­la­ry­nyň, nerw, en­dok­rin, iý­mit siň­di­riş, de­ri ke­sel­le­ri­niň we beý­le­ki­le­riň be­jer­gi­si ba­bat­da ýo­ka­ry de­re­je­li hyz­mat­la­ry ýe­ri­ne ýe­ti­rer­ler.

Kottejler toplumy

20-nji no­ýabr­da hor­mat­ly Pre­zi­den­ti­mi­ziň gat­naş­ma­gyn­da paý­tag­ty­my­zyň Ço­gan­ly şä­her­çe­sin­de bi­na edi­len tä­ze kot­tej­ler top­lu­my­nyň açy­lyş da­ba­ra­sy bol­dy. Türkmenistanyň Içe­ri iş­ler mi­nistr­li­gi­niň bu­ýur­ma­sy bo­ýun­ça gur­lan iki gat­ly kot­tej­le­riň her bi­ri giň otag­la­ryň bä­şi­sin­den yba­rat­dyr. Ýur­du­myz­da­ky döw­re­bap des­ga­la­ryň äh­li­sin­de bol­şy ýa­ly, bu jaý­lar­da hem öý eýe­le­ri­niň äh­li amat­lyk­la­ryň hö­zi­ri­ni gö­rüp ýa­şa­mak­la­ry üçin oňaý­ly şert­ler göz öňün­de tu­tul­dy. Tä­ze top­lu­ma içe­ri iş­ler eda­ra­la­ry­nyň hor­mat­ly we­te­ra­ny — hor­mat­ly Prezidentimiziň ka­ka­sy Mä­lik­gu­ly Berdimuhamedowyň ady da­kyl­dy.