Dünýä Ralli çempionatynyň 49-njy möwsümine badalga berildi. Möwsümiň ilkinji ýaryşy Monakonyň paýtagty Monte Karloda geçirildi. 14 tapgyrdan ybarat, 257,64 kilometrlik ýaryşda “Toyota Gazoo Racing” toparynyň fransiýaly sürüjisi, geçen möwsümiň çempiony Sebastian Ožie ýeňiş gazandy. Ol 2 sagat 26 minut 33,7 sekuntda pellehana gelip, karýerasyndaky 50-nji birinjiligini eýeledi. Ýaryşda ýeňijiden 32,6 sekunt yza galan “Toyota Gazoo Racing” toparynyň britan sürüjisi Elfin Ewans 2-nji, “Hyundai Shell Mobis” toparynyň belgiýaly sürüjisi Tierri Noýwill 3-nji ýeri eýeledi.
Möwsümiň 2-nji ýaryşy 26-28-nji fewral aralygynda Finlýandiýada geçiriler.
