Sin­ga­pu­ra sy­ýa­hat

Ma­laý ýa­rym ada­syn­da­ky bu ki­çi­jik ýurt si­zi gö­zel ýer­le­ri­ne ba­ryp gör­mä­ge, haý­ran gal­dy­ry­jy bi­na­la­ry­nyň we kö­çe­le­ri­niň «gö­züň ýa­gy­ny iý­ýän» yşyk­lan­dy­ry­jy­lar bi­len be­ze­len öwüş­gin­le­ri­ne to­ma­şa et­mä­ge ça­gyr­ýar.
Sin­ga­pur dün­ýä­de bar bo­lan üç sa­ny özyg­ty­ýar­ly şä­her-döw­let­le­riň bi­ri­dir. Hin­di um­ma­nyn­da, Ma­laý­zi­ýa­nyň go­la­ýyn­da ýer­leş­ýän ýurt el­li tö­we­re­gi ulu­ly-ki­çi­li ada­dan eme­le ge­lip, ýur­duň paý­tag­ty esa­sy ada­da ýer­leş­ýär. Dün­ýä­de aras­sa­çy­ly­gy we ter­tip-düz­gün­i bi­len ta­pa­wut­lan­ýan Sin­ga­pu­ryň hal­ka­ra ho­wa men­zi­li dün­ýä­niň iň iri we köp gat­naw­ly ae­ro­port­la­ry­nyň bi­ri­dir. Onuň esa­sy bi­na­sy­nyň içi­ni dür­li gy­rym­sy agaç­lar, çyr­ma­şyp ös­ýän ösüm­lik­ler we gül­ler be­ze­ýär. Öz­bo­luş­ly­ly­gy bi­len ta­pa­wut­lan­ýan şeý­le ba­ga dün­ýä­niň beý­le­ki ýer­le­rin­de duş ge­lin­me­ýär. Sy­ýa­hat­çy­lyk ba­bat­da dün­ýä­niň öň­de­ba­ry­jy ýur­dy bo­lan Sin­ga­pu­ra bar­ýan myh­man­lar üçin äh­li amat­lyk­lar dö­re­di­lip­dir. Dür­li mil­let­le­riň we­kil­le­ri­niň ýa­şa­ýan ýur­du­nyň res­mi di­li iň­lis di­li­dir. Uly port­la­ry, ýük­le­ri we ha­ryt­la­ry sak­la­ma­ga dö­re­di­len müm­kin­çi­lik­ler Sin­ga­pu­ryň dün­ýä­niň öň­de­ba­ry­jy reeks­port ýurt bol­ma­gy­ny şert­len­dir­ýär. Ýur­duň yk­dy­sa­dy­ýe­tin­de eks­port ha­ryt­la­ry uly orun eýe­le­ýär.
Ýe­ri ge­len­de bel­le­sek, Sin­ga­pur döw­le­ti­niň berk ka­nun­la­ry bar we bu ka­nun­la­ra ýer­li ilat hem, sy­ýa­hat­çy­lar hem hor­mat goý­ýar. Sy­ýa­hat­çy­lar ge­ze­lenç eden­le­rin­de, açyk we ýa­pyk gör­nüş­li res­to­ran­lar­da, se­ýil­gäh­ler­de aras­sa­çy­lyk düz­gün­le­ri­ni berk ber­jaý et­me­li­dir. Sin­ga­pur ýur­duň paý­tag­ty we ýe­ke-täk şä­he­ri­dir.

Şä­her­iň haýsy ýer­le­rini gez­me­li we görmeli?

Bu ýur­da il­kin­ji ge­zek ba­ran­la­ra «Ma­ri­na Bay Sands» at­ly top­lu­my gör­mek mas­la­hat be­ril­ýär. 2010-njy ýyl­da açy­lan tä­sin yma­rat üç bi­na­dan, bu bi­na­la­ry bir­leş­dir­ýän köp gat­ly üçek­den we ýa­na­şyk ýer­le­rin­dä­ki se­ýil­gäh­ler­den we beý­le­ki bi­na­lar­dan yba­rat. Bu ýer­de üç sa­ny bi­na­nyň ýo­kar­syn­dan ke­se­li­gi­ne bir­leş­di­ri­lip­dir. Bu bi­na­la­ryň ýo­kar­syn­da­ky gä­mi şe­kil­li üçek äpet se­ýil­gä­he meň­zeş bo­lup, ol ýer­de bir­wagt­da 4 mü­ňe go­laý adam dynç alyp bil­ýär. Bu ýer­de uzyn­ly­gy 150 met­re ýet­ýän «tü­ke­nik­siz­lik» how­uz hem ýer­leş­ýär. Sy­ýa­hat­çy­lar bi­na­nyň 57-nji ga­tyn­da­ky syn­la­ýyş eý­wa­nyn­dan şä­he­riň aja­ýyp gör­nüş­le­ri­ne, gü­nüň ba­typ bar­ýan ça­gy­na to­ma­şa edip bil­ýär­ler. Top­lu­myň çä­gin­de 2 561 otag­ly myh­man­ha­na, 120 müň ine­dör­dül metr meý­da­ny bo­lan ser­gi­ler mer­ke­zi, söw­da mer­ke­zi, mu­zeý, teatr, dür­li res­to­ran­lar, sun­gat ser­gi­si we beý­le­ki­ler bar. Dik üç bi­na­nyň be­ýik­li­gi 340 met­re ýet­ýär. Bu ýer­dä­ki se­ýil­gäh­de müň­ler­çe ösüm­lik bar. Şeý­le hem dün­ýä­dä­ki iň uly ýy­la­dyş­ha­na bo­lup, ol gül şe­kil­li güm­mez bi­len ör­tü­lip­dir. Bi­na­nyň ýa­na­şyk ýe­rin­dä­ki se­ýil­gä­hiň çä­gin­dä­ki «Bu­lut to­ka­ýyn­da» te­bi­gy şert­ler­de 1000-2000 metr be­lent­lik­de ýe­tiş­ýän agaç­la­ryň eme­li gör­mü­şi dö­re­di­lip­dir. Bu agaç­lar ha­ky­kat­dan hem te­bi­gy ösü­mik­ler ýa­ly ho­wa­ny aras­sa­la­ýar.
Mer­li­on heý­ke­li. Sin­ga­pu­ryň döw­let ny­şa­ny bo­lan Mer­li­on heý­ke­li sy­ýa­hat­çy­la­ryň iň köp bar­ýan ýer­le­ri­niň bi­ri­dir. Ýur­duň «Ýol­bars şä­he­ri» at­ly meý­dan­ça­syn­da ýol­bar­syň kel­le­si­niň we şä­he­riň ba­lyk­çy­lyk geç­mi­şi­ni ýat­lad­ýan ba­ly­gyň şe­ki­li bar. Şä­her­de bäş sa­ny res­mi Mer­li­on heý­ke­li bar.