Birnäçe ýyldan bäri durnukly ykdysady ösüşini dowam etdirýän Hytaý Halk Respublikasy geçen ýyl Ýewropa Bileleşiginiň iň uly söwda hyzmatdaşy boldy. Ýewropanyň Statistika edarasynyň (Eurostats) maglumatlaryna görä, 2020-nji ýylda Hytaý Ýewropa Bileleşigi bilen söwdada ABŞ-dan ozdurdy. ABŞ soňky elli ýyla golaý wagt bäri Ýewropa sebitiniň iň uly hyzmatdaşy bolup gelýärdi. Geçen ýyl Hytaý Ýewropa Bileleşigi ýurtlaryna 383 milliard ýewrolyk haryt we hyzmat satdy. ABŞ-nyň Ýewropa eksporty bolsa, 202 milliard ýewro deň boldy. ABŞ-nyň Ýewropa Bileleşiginden importy bolsa, 353 milliard ýewro bolupdyr. Şeýlelikde, geçen ýyl Ýewropa Bileleşigi ýurtlarynyň söwda hyzmatdaşlarynyň arasynda Hytaý, ABŞ, Birleşen Patyşalyk, Şweýsariýa, Russiýa we Türkiýe öňdäki orunlary eýeledi.