Ýeňil atletika boýunça geçirilýän ýapyk desga dünýä tury ýaryşlarynyň Madrid tapgyrynda rekord goýuldy. Amerikaly ylgaýjy Grant Holloweý erkekleriň arasynda päsgelçilikli 60 metre ylgamakda 7,29 sekuntda pellehana geldi. Şunlukda, 23 ýaşly türgen uelsli Kolin Jeksonyň 27 ýyllyk dünýä rekordyny täzelemegi başardy. Kolin Jekson 1994-nji ýylda 7,30 sekuntlyk görkeziji bilen rekord goýupdy.
Holloweý 2019-njy ýylda Katarda geçirilen Dünýä çempionatynda päsgelçilikli 110 metr ylgaw ýaryşynda altyn medala mynasyp bolupdy.
