Italýan futbolynyň ägirdi, Ýuwentusyň weteran derwezeçisi Janluiji Buffon möwsümiň ahyrynda klubundan gaýtjakdygyny habar berdi. 43 ýaşyndaky derwezeçi: “Möwsümiň ahyrynda Ýuwentus bilen aramyzdaky başdangeçirme tamamlanýar. Ýa futboly taşlamagym mümkin, ýa-da duş gelse, täze pursatlar dörese, karýeramy dowam etdirmegim hem mümkin” diýip, çykyş etdi. 2001-nji ýylda Parmadan Ýuwentusa transfer bolan Buffon bassyr 17 möwsümden soň 2018-nji ýylda PSŽ toparynyň düzümine goşuldy. Bu ýerde bir möwsüm çykyş eden Buffon täzeden ýene-de Ýuwentusa dolandy. Serie A-da jemi 656 duşuşyk geçirip, bu ugurda rekord goýan Buffon milli ýygyndyda 176 gezek meýdança çykdy. Ýuwentusda 21 kubogy asmana göteren Buffon 2006-njy ýylda Italiýanyň ýygyndysy bilen Dünýä Kubogyny hem eýeläpdi. Çempionlar ligasynyň kubogyny gazanyp bilmedik ýyldyzlaryň hatarynda bolan Buffon bu ýaryşda 3 gezek finalda çykyş etdi.
