Angliýanyň “Premier Ligasynyň” täze möwsüminde çykyş etjek 3-nji topar belli boldy. 2-nji ligany – “Championship”-i 5-nji hatarda tamamlan “Brentford” geçirilen pleý-off tapgyrynyň finalynda “Swansi Siti” toparyny Iwan Toneýiň (10 p) we Emiliano Markondesiň (20) gollary bilen 2-0 hasabynda ýeňdi. Şunlukda, “Brentford” topary 1947-nji ýyldan soň, ýagny 74 ýyldan soň Angliýanyň ýokary ligasynda, “Premier Ligada” bolsa ilkinji sapar çykyş etmäge hukuk gazandy. “Brentford” “Premier Ligada” çykyş etjek 50-nji klub boldy. Şeýle-de “Premier Ligada” Londonyň “Fulham” toparynyň aşaky liga düşmeginden soň, paýtagtly klublaryň sany 5-e düşüpdi. Ýöne “Brentfordyň” çykmagy bilen ýene-de san 6-a ýetdi. “Brentford” 30 ýyllyk “Premier Liganyň” taryhynda çykyş etjek London şäheriniň 10-njy wekili bolar. “Brentfordda” ozal “Championship”-de 1-2-nji ýerleri eýelän “Norwiç” bilen “Watford” toparlary “Premier Ligada” çykyş etmäge hukuk gazanypdylar.
