Ýewropa çempionatynyň “B” toparçasynda 2-nji aýlawa badalga berlip, Russiýanyň ýygyndysy Gazprom Arenada Finlýandiýanyň ýygyndysy bilen duşuşdy. Çekeleşikli geçen oýunda ruslar 1-0 hasabynda ýeňiş gazandy. Şu wagta çenli finlerden ýeňilmedik Russiýanyň ýygyndysyna ýeňiş getiren ýeke-täk goly 45+2-nji minutda Alekseý Mirançuk öz adyna ýazdyrdy. Şeýlelikde, Russiýanyň ýygyndysy çempionatdaky ilkinji ýeňşini gazandy. Häzirki wagtda Russiýanyň, Finlýandiýanyň hem-de 1 oýny kem Belgiýanyň 3 utugy bar. Russiýa 3-nji duşuşygyny Daniýa bilen, Finlýandiýa bolsa Belgiýa bilen geçirer.
