Iýun aýynda hytaýly kosmonawtlar “Tiangong” kosmos gämisine baryp ýetipdiler. Ýeri gelende aýtsak, indi Ýeriň orbitasynda Halkara kosmos bekedi bilen bir hatarda Hytaýyň entek gurluşygy dowam edýän “Tiangong” atly kosmos stansiýasy hem bar. Ol ýere üç aý möhlet bilen iberilen hytaýly kosmonawtlar ilkinji gezek açyk kosmosa çykdylar. Olaryň açyk kosmosa çykmagy ýurtda Kommunistik partiýanyň döredilmeginiň 100 ýyllygyna hem gabat getirildi. Bu stansiýa Hytaýň “Tiangong-1” hem-de “Tiangong-2” kosmos laboratoryýasynyň dowamy hasaplanýar. Halkara kosmos bekedinde bolşy ýaly “Tiangong” hem modulýar, ýagny böleklere bölünýär. “Tiangong” kosmos bekediniň ähli böleklerini aňladýan bolsa, “Tianhe” diňe adamly esasy böleginiň adydyr. Stansiýada esasy bölekden başga laboratoriýa we kosmos teleskopy hem bolar.
Geçen aý bu stansiýa uçurylan Ne Haýşen, Lýu Bomin we Tang Hongbo ilkinji kosmos ýörişine gatnaşdylar. Lýu Bomin we Tang Hongbo kabinanyň daşyna çykyp, panoramik kamerany sazladylar.
