UEFA-nyň tehniki synçylary çehiýaly Patrik Şikiň Şotlandiýanyň derwezesinden 45,5 metr uzaklykdan geçiren goluny 16-njy Ýewropa çempionatynyň goly (Goal of the Tournament) diýlip yglan edildi. Bu gol çempionatyň taryhynda iň daşdan geçirilen gol bolupdy. Gol 24
sagadyň dowamynda 800 müňden gowrak ses beren janköýerleriň-de köpüsiniň sesini almagy başardy.
Bu ugurda fransiýaly Pol Pogbanyň 1/8 finalda Şweýsariýanyň derwezesinden geçiren aýlawly goly 2-nji, horwatiýaly Luka Modriçiň şotlandlaryň derwezesinden geçiren goly-da 3-nji ýeri eýeledi. Lorenzo Insinýeniň Belgiýanyň, belgiýaly Kewin D Bruýneniň Daniýanyň, portugaliýaly Kristiano Ronaldonyň Wengriýanyň, ispaniýaly Alwaro Moratanyň Italiýanyň, daniýaly Mikkel Damsgoryň Angliýanyň, ukrainaly Andreý Ýarmolenkonyň Niderlandlaryň hem-de italiýaly Federiko Kiezanyň Ispaniýanyň derwezesinden geçiren gollary beýleki owadan gollar hökmünde hasaba alyndy.
