Tokio 2020-de ýeňil atletika ýaryşlary ýokary depginde dowam edýär. Geçirilen päsgelçilikli 400 metr bäsleşiginde taryhy rekord goýuldy. Norwegiýaly Karsten Warholm 45,94 sekuntda pellehana gelip, öz rekordyny täzeledi. Onuň ozalky rekordy 46,70 sekunda deňdi. Onuň rekordy 46 sekuntdan aşak düşürmegi taryhy waka boldy. Ýokary tizlikde geçen bäsleşikde 2-nji ýeri eýelän amerikaly Rai Benžaminiň görkezijisi-de 46,17 sekunt bolup, ol ähli zamanalaryň iň ýokary 2-nji netijesidir. Bu Demirgazyk Amerikanyň rekordyna deňdir. 3-nji ýeri eýelän braziliýaly Alison dos Santosyň görkezen netijesi-de 46,72 sekunt bolup, ol Warholmyň ozaly rekordyna golaýdyr. Dos Santosyň görkezijisi Günorta Amerikanyň rekordy hökmünde hasaba alyndy.
