Oba hojalyk pudagynda esasy ekinleriň biri hasaplanýan pagta ýurdumyzyň milli baýlygydyr. Berkarar döwletimiziň bagtyýarlyk döwründe hormatly Prezidentimiziň taýsyz tagallalary netijesinde, obasenagat pudagynda düýpli özgertmeler amala aşyrylyp, täze çemeleşmeleriň hem-de öňdebaryjy tehnologiýalaryň giňden ornaşdyrylmagy bilen pudak täze ösüş ýoluna gadam basdy. Ýurdumyzyň oba zähmetkeşleri her ýyl pagtanyň bol hasylyny ösdürip ýetişdirýärler.

Mil­li Li­de­ri­mi­ziň baş­lan­gy­jy bi­len zäh­met­sö­ýer ba­ba­daý­han­la­ry­my­za döw­let ta­ra­pyn­dan köp san­ly ýe­ňil­lik­ler dö­re­dilýär. Şeý­le ýe­ňil­lik­ler­den peý­da­la­nyp, yh­las­ly zäh­met çek­ýän pag­ta­çy­la­ry­myz «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» şy­ga­ry as­tyn­da geç­ýän ýyl­da ýur­du­myz­da «ak al­ty­nyň» bol ha­sy­ly­ny ös­dü­rip ýe­tiş­dir­di­ler we ony ýit­gi­siz ýyg­nap al­ma­ga gi­riş­di­ler.
15-nji sent­ýabr­da hor­mat­ly Prezidenti­mi­ziň tab­şy­ry­gy­na la­ýyk­lyk­da, ýer­li top­rak-ho­wa şert­le­ri­ne gö­rä, «ak al­tyn» möw­sü­mi­ne ýur­du­my­zyň beý­le­ki se­bit­le­rin­den bi­raz gij­räk ba­dal­ga be­ril­ýän Da­şo­guz we­la­ýa­ty­nyň eke­ran­çy­la­ry pag­ta ýy­gy­my­na baş­la­dy­lar.
We­la­ýa­tyň hä­kim­li­gin­de bo­lan iş mas­la­ha­tyn­da ýy­gym möw­sü­mi­ni gu­ra­ma­çy­lyk­ly ge­çir­mek bo­ýun­ça we­zi­pe­ler, äh­li de­giş­li gul­luk­la­ryň ta­kyk iş­le­me­gi we saz­la­şyk­ly he­re­ket et­me­gi ba­ra­da­ky me­se­le­ler ara al­nyp mas­la­hat­la­şy­lan esa­sy ugur­lar bol­dy.
Ýur­du­my­zyň de­mir­ga­zyk se­bi­tin­de go­wa­ça meý­da­ny 155 müň gek­ta­ry eýe­le­ýär. Şon­ça ýer­den «ak al­ty­nyň» 275 müň ton­na­sy­ny ýyg­nap al­mak mak­sat edi­nil­ýär. We­la­ýa­tyň eke­ran­çy­la­ry go­wa­ça­nyň «Da­şo­guz-120», «Da­şo­guz-114», «Gu­ba­dag-3», «C-4727», «Jeý­hun», «149F» ýa­ly or­ta sü­ýüm­li gör­nüş­le­ri­ni ös­dü­rip ýe­tiş­dir­ýär­ler.
Döw­re­bap oba ho­ja­lyk teh­ni­ka­la­ry meý­dan iş­le­ri­niň bök­denç­siz dep­gi­ni­ni üp­jün eder. Ýy­gym möw­sü­mi­niň do­wa­myn­da meý­dan­lar­da «John Dee­re» ky­sym­ly ýo­ka­ry ön­dü­ri­ji­lik­li kom­baýn­la­ryň we beý­le­ki teh­ni­ka­la­ryň ýüz­ler­çe­si iş­le­di­ler. Soň­ky ýyl­lar­da bu teh­ni­ka­la­ryň üs­ti tä­ze kom­baýn­lar bi­len ýe­ti­ril­di.
Pag­ta da­şa­mak­da ýük aw­tou­lag­la­ry­nyň hem-de tir­keg­li trak­tor­la­ryň iki mü­ňe go­la­ýy he­re­ket eder.
«Da­şo­guz­pag­ta» önüm­çi­lik bir­le­şi­gi­niň ka­bul ediş har­man­ha­na­la­ry we pag­ta aras­sa­laý­jy kär­ha­na­la­ry gi­je-gün­diz­le­ýin iş­le­mä­ge do­ly taý­ýar edil­di.
Hä­zir­ki za­man en­jam­la­ry bi­len üp­jün edi­len bar­lag­ha­na­lar­da «Türk­mens­tan­dart­la­ry» Baş döw­let gul­lu­gy­nyň hü­när­men­le­ri tab­şy­ryl­ýan çig ma­lyň hi­li­ni bar­la­ýar­lar.
Pag­ta ýy­gy­my­na baş­la­nyl­ma­gy my­na­sy­bet­li ge­çi­ri­len da­ba­ra­la­ra we­la­ýat we et­rap hä­kim­lik­le­ri­niň, daý­han bir­le­şik­le­ri­niň ýol­baş­çy­la­ry, şeý­le hem jem­gy­ýet­çi­lik gu­ra­ma­la­ry­nyň we­kil­le­ri, oba ho­ja­lyk­çy alym­lar, tej­ri­be­li ag­ro­nom­lar, kom­baýn­çy­lar, sü­rü­ji­ler­dir kä­ren­de­çi pag­ta­çy­lar gat­naş­dy­lar.
Hor­mat­ly ýa­şu­lu­lar Wa­ta­ny­my­zyň gül­läp ös­me­gi­ni, mil­li Li­de­ri­mi­ziň döw­let­li iş­le­ri­niň ro­waç bol­ma­gy­ny hem-de äh­li türk­men hal­ky­nyň aba­dan­çy­ly­gy­ny Be­ýik Bi­ri­bar­dan di­leg edip, «Har­ma­ny­ňy­za be­re­ket!» di­ýen söz­ler bi­len pag­ta ýy­gy­my möw­sü­mi­ne baş­la­ma­ga ak pa­ta ber­di­ler.
Soň­ra baý­dak­lar bi­len be­ze­len, üs­ti do­ly «ak al­tyn­ly» ýük aw­tou­lag­la­ry hem-de tir­keg­li trak­tor­lar tä­ze ha­sy­lyň ka­bul edil­ýän ýe­ri­ne ta­rap ug­ra­dy­lar. Bu ýer­de oba ho­ja­lyk teh­ni­ka­la­ry­nyň we se­bi­tiň oba­se­na­gat top­lu­my ta­ra­pyn­dan ön­dü­ril­ýän önüm­le­riň ser­gi­si gu­ral­dy. We­la­ýa­tyň ar­tist­le­ri hem-de tans-dö­re­di­ji­lik to­par­la­ry aja­ýyp kon­sert mak­sat­na­ma­sy bi­len çy­kyş et­di­ler.

 

Gyzykly bolup bilerЕЩЕ ОТ АВТОРА