Angliýanyň Premier Ligasynda West Ham öz meýdançasynda Mançester Ýunaýtedi kabul etdi. Ýer eýeleri 30-njy minutda Benramanyň goly bilen öňe saýlansalaram, 35-nji minutda super ýyldyz Kristiano Ronaldo hasaby deňledi. Bu Ronaldonyň mankunianlardaky 3-nji goly bolup, ol Ýunaýtede geçeli bäri 3 duşuşykda 4 gezek tapawutlandy. Oýnuň 89-njy minutynda Jesse Lingard Ýunaýtede ýeňiş getiren oýunçy boldy. Ol toparynyň Çempionlar ligasynda Ýang Boýzdan 2-1 utulan duşuşygynda oýnuň soňunda uly ýalňyşlyk goýberip, toparynyň ýeňlişine täsir edipdi. Duşuşygyň 90+4-nji minutynda West Hamyň futbolçysy Mark Nobl penalti urgusyndan ýerlikli peýdalanyp bilmedi. Şeýlelikde, Mançester Ýunaýted Premier Ligada myhmançylykda 29 oýundan bäri ýeňilmän gelýär.
