Angliýanyň Liga Kubogy bäsleşiginde Mançester Ýunaýted topary 3-nji tapgyrda ýaryşdan çykdy. Esasy ýyldyzlaryny ätiýaçda oturdan Ol-Gunnar Sulşeriň kluby öz meýdançasynda West Hamdan 1-0 asgyn geldi. Ýunaýtediň ozalky tälimçilerinden Dewid Moýesiň şägirtlerinden ýeke-täk goly 9-njy minutda Manuel Lanzini öz adyna ýazdyrdy. Bu ýeňiş West Hamyň soňky 14 ýylda Old Traffordda Mançester Ýunaýtediň garşysyna gazanan ilkinji ýeňşi boldy. Çelsi bilen Tottenham degişlilikde, Aston Willadyr Wulwerhemptony penaltilerden soň ýeňip, 4-nji tapgyra çykmagy başardy.
26-27-nji oktýabrda oýnaljak 4-nji tapgyrda Çelsi-Southempton, Arsenal-Lids, KPR-Sanderland, Stok Siti-Brentford, West Ham-Mançester Siti, Lester-Braýton, Börnli-Tottenham, Preston Nort End-Liwerpul duşuşyklary oýnalar.
