Türkiýäniň Karabük welaýatynyň Safranbolu etrabynda ýaşaýan Rümeýsa Gelgi Iň uzyn zenan hökmünde Ginnesiň bütindünýä rekordlar kitabyna girdi. Onuň boýy 2 metr 15 santimetre ýetýär. Gelgi 2014-nji ýylda dünýäniň iň uzyn ýaş zenany hökmünde bu kitaba adyny ýazdyrypdy. Şu ýylyň maý aýynda onuň boýy gaýtadan ölçenip golaýda degişli şahadatnamasy gowşuryldy. Hasaba alyş resminamasynyň gowşurylyş dabarasynda çykyş eden Gelgi, boýunyň uzyn bolmagynyň köçede geçip barýanlaryň ünsüni çekýändigini we ilkinji duşuşygynda köp adamyň onuň bilen mähirli salamlaşýandygyny aýtdy. Boş wagtlary maşgalasy bilen daşaryk çykmagy we nahar iýmegi halaýandygyny mälim eden Gelgi suwda ýüzmegiň oňa dynç almaga kömek edýändigini aýtdy. Rekordlar kitabynyň baş redaktory Kraýg Glendaý bolsa, Rumeýsanyň adynyň gaýtadan kitaba girizilmegi uly hormatdygyny aýdyp, iň uzyn boýly zenan rekordynyň o diýen köp täzelenmeýändigini, şol sebäpli bu habary bütin dünýä ýaýratmagyň tolgundyryjygyny aýtdy.
Ýeri gelende bellesek, dünýäniň iň uzyn boýly erkek adamy Sultan Kösem hem türkiýeli. Boýy 2 metre 51 santimetre ýetýän Kösem 2009-njy ýyldan bäri bu rekordy elinde saklaýar.
