Sport egin-eşiklerini öndürýän “Adidas” kompaniýasy meta dünýäsine girmegi maksat edinýär. Munuň üçin kompaniýa “Bored Ape Yacht Club” bilen hyzmatdaşlyk eder. Kompaniýa “Twitter” arkaly gysga wideorolik ýaýradyp täze döwre gadan basýandygyny mälim etdi.

Şeýle hem bir sany NFT satuwa çykardy. NFT dünýäsiniň esasy üç ýyldyz sungat ussady “Adidas Metaverse” taslamasyna goldaw bermekçi bolýar.

Ilkinji nobatda kompaniýa “Bored Ape Yacht Club” platformasy arkaly “Indigo Herz” NFT harydyny tanyşdyrdy. Kompaniýa NFT koleksiýalarynyň “metaverse” taslamasy üçin esasy sepgitleriň biri boljakdygyny aýdýar. Kompaniýa “Confirmed” atly applikasiýanyň  hem göçürilip alynmagyny maslahat berýär.

Mälim bolşy ýaly, “Facebook” kompaniýasynyň  ady “Meta” diýlip üýtgedilenden soňra beýleki kompaniýalar hem NFT we “Metaverse” dünýäsine maýa goýum goýýar. “Metaverse” aýratyn hyýaly dünýä bolup, ol ýerde ähli fiziki zatlaryň hyýaly nusgalary bolar. Geljekde kriptopullaryň “metaverse” dünýäsiniň ýörgünli puly bolmagyna garaşylýar.

Soň­ky wagt­lar­da peý­da bo­lan NFT (on-fun­gib­le to­ken) esa­san sun­gat we güý­men­je pu­da­gy­ny gy­zyk­lan­dyr­ýar. Bu adal­ga san­ly sun­gat eser­le­ri, do­men at­la­ry we IP sal­gy­sy ýa­ly fi­zi­ki bol­ma­dyk zat­la­ry aň­lad­ýar. Haý­sy­dyr bir fi­zi­ki gym­mat­lyk­dan ta­pa­wut­ly­lyk­da onuň baş­ga nus­ga­sy bol­ma­ýar.

Ilmyrat Ilýasow,

Türkmen döwlet ykdysadyýet we dolandyryş institutynyň mugallymy.

Gyzykly bolup bilerЕЩЕ ОТ АВТОРА