Karýerasyndaky 7-nji “Altyn top” baýragyny gazanan Lionel Messi işewürlik durmuşynda uly mukdardaky pul ýitgisiniň bosagasynda dur. Argentinaly ýyldyz futbolçy 2017-nji ýylda Barselona şäherinden 30 million ýewro satyn alan myhmanhanasynyň ýykylmagy mümkin. Bu barada “El Confidencial” habar berýär. Barselona şäheriniň günortasynda ýerleşýän 4 ýyldyzly bu myhmanhananyň şäheriň standartlaryna gabat gelmeýändigi üçin ýykylmagy mümkin. Habarda myhmanhananyň ozalky eýesi binanyň ýykylmagy bilen baglanyşykly karary bilýändigine garamazdan, ony Messä satandygy öňe sürülýär. Eger-de myhmanhana ýykylan ýagdaýynda Messiniň 30 million ýewrolyk maýa goýumy asmana sowrular. Başgaça aýdylanda, häzirki wagtda PSŽ-den bir ýylda alýan sap gazanjy elden gider.
