Şu gün Özbegistanyň paýtagty Daşkent şäherinde agyr atletika boýunça 86-njy Dünýä çempionatyna badalga berler. 17-nji dekabra çenli dowam etjek çempionata 74 döwletden 432 türgen gatnaşar. Biziň ýurdumyzdan hem agyr atletikaçylaryň 11-si ýaryşar. Ýurdumyzyň adyndan zenanlaryň arasynda 49 kilograma çenli agram derejesinde dünýä çempiony Ýulduz Jumabaýewa, şol sanda Bagül Berdiýewa, 59 kilograma çenli agram derejesinde Tokio 2020-de kümüş medal gazanan Polina Gurýewa, 71 kilograma çenli agram derejesinde Gülnabat Kadyrowa, 81 kilograma çenli agram derejesinde Aýsoltan Toýçyýewa, şeýle-de erkekleriň arasynda 61 kilograma çenli agram derejesinde Seýitjan Mirzaýew, 73 kilograma çenli agram derejesinde Maksat Meredow, 81 kilograma çenli agram derejesinde dünýäniň wise-çempiony Rejepbaý Rejepow, Şatlyk Şöhradow, 89 kilograma çenli agram derejesinde Rüstem Annaberdiýew hem-de 109 kilogramdan ýokary agram derejesinde belli türgenimiz Hojamuhammet Toýçyýew dagy wekilçilik ederler.
Geçiriljek ýaryşlaryň aglabasy agşam wagtlarynda (19:00-da) başlar. Ildeşlerimize uly üstünlik arzuw edýäris.
Ildeşlerimiziň çykyş etjek günleri:
8-nji dekabr (19:00)
49 kilograma çenli agram derejesinde (zenanlar)
Ýulduz Jumabaýewa
Bagül Berdiýewa
9-njy dekabr (19:00)
61 kilograma çenli agram derejesinde (erkekler)
Seýitjan Mirzaýew
10-njy dekabr (19:00)
73 kilograma çenli agram derejesinde (erkekler)
Maksat Meredow
11-nji dekabr (19:00)
59 kilograma çenli agram derejesinde (zenanlar)
Polina Gurýewa
12-nji dekabr (13:00, 19:00)
81 kilograma çenli agram derejesinde (erkekler)
Rejepbaý Rejepow
Şatlyk Şöhradow
13-nji dekabr (13:00, 19:00)
89 kilograma çenli agram derejesinde (erkekler)
Rüstem Annaberdiýew
71 kilograma çenli agram derejesinde (zenanlar)
Gülnabat Kadyrowa
14-nji dekabr (16:00)
81 kilograma çenli agram derejesinde (zenanlar)
Aýsoltan Toýçyýewa
17-nji dekabr (16:00)
109 kilogramdan ýokary agram derejesinde (erkekler)
Hojamuhammet Toýçyýew
