Ýaponiýaly milliarder Ýusaku Maezawa kömekçisi Ýozo Hirano bilen kosmos syýahatyna çykdy. Iki kosmos syýahatçysy 2009-njy ýyldan bäri Halkara kosmos bekedinde myhman bolan hem-de syýahatynyň puluny jübüsinden tölän syýahatçylar bolar. Moda dünýäsinden girdeji gazanan Ýusaku we bu syýahaty ýazga alýan Ýozo rus kosmonawt Aleksandr Misurkin bilen kosmos bekedine sary ýol düşdüler. Olar bellenen wagtda (07:38 GMT) Gazagystandaky Boýkonur kosmodromyndan uçuryldylar. Ýusaku hem-de Ýozo 12 günden soňra yzyna dolanar. Ýapon milliarder Ýusaku düýn “Ýere kosmosdan syn etmek isleýärin. Agramsyz duýmak mümkinçiligini başdan geçirmek isleýärin. Birem kosmosyň maňa nähili täsir etjekdigini, bu kosmos syýahatyndan soňra nähili üýtgejekdigini bilesim gelýär” diýip belläpdi. Ýapon kosmos syýahatçylary 20-nji dekabrda Ýere dolanar.
