Angliýanyň çempionatynda Çelsi myhmançylykda Stiwen Jerardyň tälim berýän Aston Willa toparyndan 3-1 üstün çykdy. Oýnuň 28-nji minutynda Jeýmsiň öz derwezesinden geçiren goly bilen ýer eýeleri öňe geçse-de, 34-nji minutda Žoržinio penaltiden hasaby deňledi. 56-njy minutda Lukaku hem-de 90+3-nji minutda ýene-de Žoržinio ýene-de penaltiden tapawutlanyp, toparyna 3-1 hasabynda ýeňiş getiren oýunçylar boldy. Şeýlelikde, italiýaly ýarymgoragçy Žoržinio 2021-nji ýylda kalendar senenamasy boýunça Premier Ligada penaltiden 10 gol geçirdi. Bu görkeziji rekorda deň bolup, ozalky rekord Mett Le Tissie bilen Stiwen Jerarda degişlidi. Žoržinio 2 gezek penalti urgusyndan ýerlikli peýdalanyp bilmedi.
