Iki aýdan bäri gürrüňi edilýän transfer wakasy ahyry hakykat ýüzünde-de öz beýanyny tapdy. Barselona topary Mançester Sitiniň ýaş ýyldyzy Ferran Torresi resmi ýagdaýda düzümine goşdy. Taraplaryň ozal ylalaşyk gazanypdylar. Katalonlar 21 ýaşyndaky iki öň ganatda oýnap bilýän futbolçy üçin Mançester Siti toparyna 55 million ýewro berer. Bu mukdaryň üstüne ýene-de 10 million ýewro goşulyp biler. Barselona Torres bilen 2027-nji ýylyň tomsuna çenli şertnama baglaşdy. 3-nji ýanwarda futbolçynyň gol çekişlik dabarasy geçiriler.
Ferran Torres Walensiýanyň ýaşlar düzüminde futbola başlap, 2018-nji ýyldan esasy düzümde çykyş edip ugrady. 2020-nji ýylyň tomsunda-da Mançester Sitä 28 million ýewro transfer bolan Torres iňlis klubunyň düzüminde 43 resmi oýunda 16 gol geçirdi. Ol Ispaniýanyň milli ýygyndysynda-da 22 oýunda 12 gezek tapawutlandy.
