Futbolyň watany bu jadylaýjy oýnuň muşdaklaryny jadylamagyny dowam edýär. Roždestwo, Täze ýyl ýaly baýramçylyklarda hem ýokary depginde dowam edýän Angliýanyň Premier Ligasynda täze ýylyň ilkinji günlerinde super iki duşuşyk oýnalar. Hepdäniň şenbe güni, ýagny 2022-nji ýylyň ilkinji güni – 1-nji ýanwarda Arsenal öz meýdançasynda sanawyň lideri Mançester Sitini kabul eder. 4-nji ýerde barýan Arsenal soňky 4 oýundan bäri, arany ep-esli açan Mançester Siti çempionatda 10 oýundan bäri ýeňiş gazanyp gelýär. Duşuşykda Arsenal ýeňiş gazanyp, öňdäki dörtlüge hasam ornaşmakçy bolýar. Beýleki bir tarapda-da Mançester Siti ýeňişli ýörişini dowam etdirip, arany ep-esli açmakçy bolýar. Köpleriň sabyrsyzlyk bilen garaşýan duşuşygy Aşgabat wagty bilen 17:30-da başlar.
1-nji ýanwarda Londonyň kiçeňräk derbisinde Kristal Palas bilen West Ham Ýunaýted toparylary-da duşuşarlar. Duşuşyk 22:30-da başlanar.
Täze ýylyň 2-nji güni, ýagny 2-nji ýanwarda, ýekşenbe güni-de soňky tapgyryň iki ahmyrly topary 2-nji ýerdäki Çelsi bilen 3-nji orunda Liwerpul duşuşar. Çelsi 20-nji tapgyrda soňky minutda ýeňşi elden gideripdi. Liwerpul bolsa 7 oýundan soň utulyp, 34 duşuşykdan soňam gol geçirip bilmändi.
Birinji duşuşyklary deňlikde gutaran toparlaryň ikisi-de ýeňiş gazanyp, çempionlykdan daşlaşmak islänok. Çelsi öz meýdançasynda geçiren soňky 5 duşuşygynda diňe 1 gezek ýeňiş gazanyp, 4 sapar deňme-deň oýnady. Duşuşyk Aşgabat wagty bilen 21:30-da başlanar.
La Liga 19-njy tapgyr başlaýar
Şeýle-de şu gün Ispaniýanyň La Ligasynda täze tapgyra badalga berlip, Walensiýa öz meýdançasynda Espanýoly kabul eder. La Ligada tapgyryň beýleki oýunlary ýekşenbe güni oýnalar.
