2021-nji ýylyň dekabr aýynda esasy azyk önümleriniň bahasy birneme pese düşdi, ýöne 2020-nji ýyldakydan ýokary boldy. Bu barada Birleşen Milletler Guramasynyň Azyk we Oba hojalygy Guramasynyň (FAO) hünärmenleri mälim etdi. Umuman aýdanyňda, azyk önümleriniň bahasy noýabr aýy bilen deňeşdirilende, dekabr aýynda 0,9 göterim pese düşdi. FAO-nyň hünärmenleriniň pikiriçe, azyk önümleriniň bahasynyň ýokarlanmagy, esasan dowam edýän global pandemiýa we barha garaşylmadyk howa şertleri bilen düşündirilýär.
Dünýä azyk bazarlarynda bahalaryň ýokarlanmagy, 2021-nji ýylyň käbir aýlarynda uly bolmadyk arakesmeler bilen bir ýyldan gowrak dowam etdi. Şeýlelik bilen, geçen ýylyň noýabr aýynda FAO-nyň iýmit bahasyny görkezijisiniň ortaça derejesi 2011-nji ýylyň iýun aýyndan bäri iň ýokarysy boldy.
