Dünýä futbolynyň hojaýyny FIFA 2021-nji ýylyň iň gowy futbolçysy baýragynyň – “The Best” baýragynyň 3 dalaşgärini mälim etdi. Deslapky tapgyrda 30 futbolçy bolup, final tapgyryna 3 oýunçy galdy. Olar PSŽ-niň argentinaly futbolçysy Lionel Messi, Liweerpulyň müsürli ýyldyzy Mohamed Salah hem-de Bawariýanyň polşaly hüjümçisi Robert Lewandowski üçüsidir. Köpler Lewandowskiniň baýragy almagyna garaşýar. Baýragyň ýeňijisi milli ýygyndylaryň tälimçidir kapitanlarynyň ses bermegi esasynda saýlanýar.
Şeýle-de zenanlaryň arasynda ispaniýaly futbolçylar Jennifer Hermoso bilen Aleksia Putellas (ikisem – (Barselona) hem-de awstraliýaly Sem Kerr (Çelsi) final tapgyryna galdy.
Ýeňijiler 17-nji ýanwarda Şweýsariýanyň Sürih şäherinde geçiriljek dabarada mälim ediler.
