Angliýanyň FA Kubogy ýaryşynyň 3-nji tapgyrynda, has takygy, 1/32 finalynda garaşylmadyk netije hasaba alyndy. Premier Ligada 4-nji ýerde barýan Arsenal myhmançylykda bir döwürleriň güýçli kluby, häzirki wagtda 2-nji liga wekilçilik edýän Nottingam Forest toparyndan 1-0 asgyn geldi. Ýer eýelerine ýeňiş getiren ýeke-täk goly 83-nji minutda Grabban öz adyna ýazdyrdy. Şeýle-de bu tapgyrda Liwerpul öz meýdançasynda Şrýuwsburini 4-1, soňky minutlarda öňe saýlanan Tottenham öz meýdançasynda Morkam toparyny 3-1 utdy. West Ham Lidsi 2-0, Wulwerhempton Şeffild Ýunaýtedi 3-0 ýeňip, 1/16 finala çykdy. 1/32 finalyň soňky duşuşygy şu gün Mançester Ýunaýted bilen Aston Willanyň arasynda oýnalar.
1/16 finalyň duşuşyklary 4-7-nji fewral aralygynda geçiriler.
