Italiýanyň çempionaty Serie A-da ýekşenbe günki duşuşykda sanawyň lideri Inter myhmançylykda Atalanta bilen golsuz deňme-deň oýnady. Bu bolsa Interiň soňky bir ýylyň dowamynda gol geçirip bilmedik ilkinji duşuşygy boldy. Ýagny Inter soňky gezek geçen ýylyň 23-nji ýanwarynda Udineze bilen golsuz deňme-deň oýnapdy. Şondan bäri Inter topary Serie A-da geçiren 39 duşuşygynda gol geçirmegi başardy. Serie A-nyň çempiony şol 39 oýunda diňe 2 gezek ýeňlişe sezewar boldy.
