Kamerunda dowam edýän 33-nji Afrika Milletler Kubogynda 1/8 finala çykanlar belli boldy. “E” toparçada çykyş eden soňky çempion, düzüminde Mahrez, Slimani, Feguli, Brahimi, Bennaser, Benrahma ýaly futbolçylary bolan Alžiriň ýygyndysy toparçada 4-nji ýeri eýeläp, ýaryşdan çykdy. 3 oýunda 1 utuk gazanan alžirlileriň çykyş eden toparçasyndan Kot-d’Iwuar bilen Ekwator Gwineýasy 1/8 finala adyny ýazdyrdy. “F” toparçada-da Gambiýa Tunisi 1-0 ýeňdi. Mawritaniýany 2-0 utan Mali toparçada 1-nji ýeri eýeledi. 1/8 finalyň iň esasy duşuşygy kubogy iň köp eýelän Müsür bilen yklymyň güýçli ýygyndylaryndan Kot-d’Iwuaryň arasynda bolar. Şeýle-de, çempionlygyň iň esasy dalaşgärlerinden Nigeriýanyň garşydaşy Tunis boldy. Ýer eýeleri Kamerunyň çärýek finala çykmagy üçin ilki ilkinji gezek ýaryşa gatnaşýan ada döwleti Komorlaryň ýygyndysyny utmaly bolar.
23-26-njy ýanwar aralygynda geçiriljek 1/8 finalda şu duşuşyklar oýnalar:
Burkino Faso – Gabon
Nigeriýa – Tunis
Senegal – Kabo Werde
Mali – Ekwator Gwineýasy
Gwineýa – Gambiýa
Kamerun – Komorlar
Kot-d’Iwuar – Müsür
Marokko – Malawi
