2017-nji ýylda Antarktikadan bölünip aýrylan we geçen ýyl dolulygyna eräp gutaran äpet aýsbergden çykan 152 milliard tonna suwuň ummana garyşandygy mälim edildi. Häzirki wagtda şeýle köp mukdarda suwuň ummana garyşmagynyň getiren netijesi öwrenilýär. Alymlar arassa suwuň deňizlerdäki janly-jandarlaryň ýaşaýşyna täsiriniň bolup biljekdigini çaklaýarlar. Meýdany 5 müň 719 kwadrat kilometrlik “A-68” atly aýsberg gopanyndan soňra Weddel deňzinde iki ýyl suwuň akymyna görä hereket etdi. Soňra demirgazyga tarap süýşmegini dowam etdirdi. Şonda alymlar äpet buz böleginiň Günorta Georgiýa adasynyň kenaryna baryp, suw akymlarynyň öňüni kesip, adadaky pingwinlere we beýleki jandarlara zeper ýetirjekdigini çaklapdylar. Emma buz bölegi deňziň saý ýerinde hereketsiz galyp, gysga wagtda eredi. Iňlis alymlary 2020-nji ýylyň ahyryndan başlap aýsberg eräp gutarýança onuň ereýişine gözegçilik etdiler.

Alymlar howanyň maýlamagynyň tebigy hadysa bolan aýsbergleriň döremegini çaltlandyrandyklaryny belleýärler.

Gyzykly bolup bilerЕЩЕ ОТ АВТОРА