Mançester Ýunaýtediň portugaliýaly super ýyldyzy Kristiano Ronaldo diňe bir ýaşyl meýdançalarda öňe saýlananok. Ol häzirki zamanyň iň ýörgünli serişdesi bolan sosial mediada hem iň öňdäki orny eýeleýär. Iki gün öň 37 ýaşyny dolduran super ýyldyzyň Instagram-daky yzarlaýjylarynyň sany 400 milliondan geçdi. Ol dünýäde bu görkezijä ýeten ilkinji şahsyýetdir. Ronaldo iň golaý kişi Kim Kardaşianyň öweý jigisi Kaýl Jenner bolup, golaýda ikinji çagasyny dünýä inderen fotomodeliň, işewür zenanyň 308 million yzarlaýjysy bar. Bu ugurda başga bir futbolçy, PSŽ-niň argentinaly super ýyldyzy Lionel Messi 306 million yzarlaýjy bilen 3-nji orny eýeleýär.
Häzirki wagtda Instagram-da Ronaldonyň hasabyndan öňde ýekeje hasap bar. Ol hem Instagramyň öz hasabydyr (469 million)
