Futbol boýunça ýaşlaryň (U-23) arasynda geçiriljek Aziýa Kubogynyň final tapgyrynyň toparçalarynyň bijeleri çekildi. Bijä laýyklykda, Özbegistanyň paýtagty Daşkent şäherinde geçiriljek ýaryşda ildeşlerimiz “A” toparça düşdi. Tälimçi Ahmet Agamyradowyň tälim berýän ýaşlar ýygyndysy “A” toparçada ýer eýeleri Özbegistanyň, şol sanda Eýranyň hem-de Kataryň ýygyndylary bilen özara güýç synanyşar.
Jemi 4 toparça bolup her toparçada 1-2-nji orunlary eýelänler ýaryşy dowam eder. Ýaryş şu ýylyň 1–19-njy iýuny aralygynda geçiriler.
Aziýa Kubogy — 2022-niň (U-23) toparçalary:
“A” toparça: Özbegistan, Eýran, Katar, Türkmenistan
“B” toparça: Awstraliýa, Iordaniýa, Yrak, Kuweýt
“C” toparça: Koreýa Respublikasy, Taýland, Wýetnam, Malaýziýa
“D” toparça: Saud Arabystany, BAE, Ýaponiýa, Täjigistan
