Italiýanyň çempionaty Serie A-da sanawyň lideri üýtgedi. 15-nji tapgyra çenli birinji orunda galan Napoli täzeden iň ýokarky basgançaga dolandy. 27-nji tapgyrda myhmançylykda Lasio bilen duşuşan Napoli soňky minutlarda ýeňiş gazanmagy başardy. 62-nji minutda Lorenzo Insinýe Napolini öňe saýlasa, 88-nji minutda Pedro hasaby deňledi. 90+4-nji minutda-da Fabian Ruiz Napoli toparyna hem ýeňiş hem-de birinjilik getiren oýunçy boldy. Serie A-da Milan şäheriniň bassyr 2 tapgyrda utuk ýitirmeginden soň, Napoli sanawda täzeden birinjilige dolandy. Serie A-da Ýuwentus myhmançylykda Empoliden 3-2 üstün çykyp, utugyny 50-ä çykardy we çempionlyk ýaryşyna goşulmagyň bosagasyna geldi. Paýtagtyň Roma topary-da 2-nji ýarymy bir oýunçy kem oýnan Spesiýany myhmançylykda Abrahamyň 90+7-nji minutdaky penalti goly bilen 1-0 utdy.
