Geçen möwsümi Gazagystanyň Kaspiý toparynda geçiren türkmenistanly futbolçy Ruslan Mingazow Gonkongyň Kitçi toparynyň düzümine goşuldy. Erkin agent ýagdaýynda Gonkongyň soňky çempiony Kitçi toparynyň düzümine goşulan 30 ýaşyndaky futbolçy täze klubunda 7-nji belgili köýnekçäni geýer.
Mingazow karýerasy boýunça ýurdumyzyň Aşgabat toparynda futbola başlap, soňlugy bilen Latwiýanyň Skonta Riga, Çehiýanyň Ýablones, Slawiýa Praga, Mlada Boleslaw, Pribram klublarynda, Gazagystanyň Irtyş Pawlodar, Şahtýor Karaganda hem-de Kaspiý toparlarynyň köýnekçelerini geýdi. Milli ýygyndymyzda 25 oýunda 4 gezek tapawutlanan ýarymgoragçy Türkmenistanyň, Latwiýanyň hem-de Çehiýanyň çempionlygyny gazandy.
Kitçi topary 1931-nji ýylda esaslandyrylyp, ol 2014-nji ýyldan bäri geçirilip gelinýän Gonkongyň Premier Ligasynda 5 gezek çempionlyk gazandy.
