F1-iň 73-nji möwsümine badalga berler
Dünýäniň iň köp tomaşa edilýän awtoulag ýaryşlarynyň biri hasaplanýan Formula 1 boýunça täze möwsüme şu hepdäniň ahyrynda badalga berler. Şu F1-iň 73-nji möwsümi bolup, jemi 22 bäsleşik guralar. Soçi “Gran Pri” ýaryşy bolsa, emele gelen ýagdaýlar sebäpli sanawdan çykaryldy. Möwsüm 20-nji martda Bahreýnde başlap, 20-nji noýabrda Abu Dabi “Gran Prisi” bilenem tamamlanar. Sanawa täze goşulan ýaryş Maýami “Gran Prisi” bolup, ABŞ-nyň bu şäherinde ilkinji gezek F1 bäsleşigi guralar. Şeýle-de, Awstraliýada, Kanadada, Ýaponiýada hem-de Singapurda pandemiýa sebäpli iki ýyllyk arakesmeden soň täzeden ýaryşlar geçiriler.
Sürüjilerden “Alfa Romeonyň” piloty Guanýu Çžou F1-däki ilkinji hytaýly sürüji bolar. Topara 19 ýyllyk karýerasyny tamamlanan Kimi Raikkoneniň ornuna Waltteri Bottas geçdi. Jorj Rassel bolsa Bottasyň ornuna “Mercedes” toparyna geçip, watandaşy Lýuwis Hamiltonyň topardaşy boldy. “Haas” toparyndan ugradylan russiýaly Nikita Mazepiniň deregine çagyrylan daniýaly Kewin Magnussen täzeden F1-e dolandy.
TOPARLAR WE SÜRÜJILERI:
«Alfa Romeo» (Şweýsariýa): Guanýu Çžou (Hytaý), Waltteri Bottas (Finlýandiýa)
«AlphaTauri» (Italiýa): Pier Gasli (Fransiýa), Ýuki Tsunoda (Ýaponiýa)
«Alpine» (Fransiýa): Fernando Alonso (Ispaniýa), Esteban Okon (Fransiýa)
«Aston Martin» (B. Britaniýa): Sebastian Wettel (Germaniýa), Lans Stroll (Kanada)
«Ferrari» (Italiýa): Şarl Lekler (Monako), Karlos Saýns Jr. (Ispaniýa)
«Haas» (ABŞ): Kewin Magnussen (Daniýa), Mik Şumaher (Germaniýa)
«McLaren» (B. Britaniýa): Daniel Rikkiardo (Awstraliýa), Lando Norris (B. Britaniýa)
«Mercedes» (Germaniýa): Lýuwis Hamilton (B. Britaniýa), Jorj Rassell (B. Britaniýa)
«Red Bull» (Awstriýa): Maks Werstappen (Niderlandlar), Serhio Peres (Meksika)
«Williams» (B. Britaniýa): Nikolas Latifi (Kanada), Aleksander Albon (Tailand)
GRAN PRILER WE GEÇIRILJEK ÝERLERI (GÜNI)
Bahreýn GP Bahreýn halkara awtodromy, Sakhir – Bahreýn (20-nji mart)
Saud Arabystany GP Şäheriň köçeleri, Jidda – Saud Arabystany (27-nji mart)
Awstraliýa GP Albert Park awtodromy, Melburn – Awstraliýa (10-njy aprel)
Emilia Roman GP Imola awtodromy, Imola – Italiýa (24-nji aprel)
Maýami GP Maýami halkara awtodromy, Maýami-Florida – ABŞ (8-nji maý)
Ispaniýa GP Barselona-Katalunýa awt., Monmelo – Ispaniýa (22-nji maý)
Monako GP Şäheriň köçeleri, Monte-Karlo – Monako (29-njy maý
Azerbaýjan GP Şäheriň köçeleri, Baku – Azerbaýjan (12-nji iýun)
Kanada GP Žil Willnýow awtodromy, Monreal – Kanada (19-njy iýun)
Britaniýa GP Silwerstoun awtodromy, Silwerstoun – Beýik Britaniýa (3-nji iýul)
Awstriýa GP Red Bull Ring awtodromy, Spilberg – Awstriýa (10-njy iýul)
Fransiýa GP Pol Rikar awtodromy, Le Kastelle – Fransiýa (24-nji iýul)
Wengriýa GP Hungaroring, Budapeşt – Wengriýa (31-nji iýul)
Belgiýa GP Spa-Frankorşam, Spa – Belgiýa (28-nji awgust)
Niderlandlar GP Zandwort awtodromy, Zandwort – Niderlandlar (4-nji sentýabr)
Italiýa GP Monza awtodromy, Monza – Italiýa (11-nji sentýabr)
Singapur GP Marina Beý awtodromy, Singapur – Singapur (2-nji oktýabr)
Ýaponiýa GP Suzuka halkara awtodromy, Suzuka – Ýaponiýa (9-njy oktýabr)
Amerika GP Amerik awtodromy, Ostin-Tehas – ABŞ (23-nji oktýabr)
Meksika GP Hermanos Rodriges awt., Mehiko – Meksika (30-njy oktýabr)
Sao Paulu GP Interlagos awtodromy, Sao Paulu – Braziliýa (13-nji noýabr)
Abu Dabi GP Ýas Marina awtodromy, Abu Dabi – BAE (20-nji noýabr)
