Türkmenistanyň futbol boýunça ýygyndy topary Aziýa Kubogy 2022-niň saýlama tapgyryna şowly başlady. “A” toparçada çykyş edýän ildeşlerimiz Bişkek şäherinde geçirilýän saýlama tapgyrynyň çäginde Gyrgyz Respublikasynyň ýygyndysyndan 3-1 hasabynda üstün çykdy. Türkmenistanyň futzal ýygyndysyna ýeňiş getiren gollary Allamyrat Kurbanow, Daýanç Garajaýew hem-de derwezeçimiz Meretgeldi Baýramow geçirdi.
“A” toparçadaky beýleki duşuşykda Eýranyň ýygyndysy Maldiwleriň ýygyndysyny 17-0 hasabynda ýeňlişe sezewar etdi. Ildeşlerimiziň indiki duşuşygy Eýranyň ýygyndysy bilen bolup, ol şu gün oýnalar (16:00). Toparçada ilkinji 2 orny eýelän ýygyndylar şu ýylyň 25-nji sentýabryndan 20-nji oktýabry aralygynda Kuweýtde geçiriljek Aziýa Kubogy ýaryşyna gatnaşar.
