Russiýanyň “Spartak Moskwa” topary “Kaliariniň” senegally hüjümçisi Keita Balde bilen düzümini güýçlendirdi. Moskwalylar erkin agent ýagdaýynda transfer edilen 27 ýaşly hüjümçi bilen 3 ýyllyk şertnama baglaşdylar. “Lasio”, “Monako”, “Inter”, “Sampdoriýa” ýaly klublarda oýnan Balde “Spartagyň” düzüminde 9-njy belgili köýnekçäni geýer.
* * *
“Arsenal” toparynyň fransiýaly ýarymgoragçysy Nikolýa Pepe öz ýurduna dolandy. Ol “Ligue 1”-iň “Nissa” kluby bilen 1 ýyllyk kärendesine şertnama baglaşdy. “Nissa” topary möwsümiň ahyrynda 27 ýaşly futbolçyny ymykly transfer hem edip biler. 2019-njy ýylda “Lillden” 89 million ýewro “Arsenala” transfer bolan Pepe londonlylaryň düzüminde 112 oýunda 27 gol geçirdi.
* * *
“Mançester Ýunaýted” kot’diwuarly goragçysy Erik Baýini Fransiýanyň “Marsel” klubuna ugratdy. 28 ýaşyndaky goragçy “Marselde” 1 ýyl kärendesine çykyş eder. “Marsel” topary oýunçynyň kärende tölegi hökmünde iňlis klubunda 2 million ýewro berer. Erik Baýi 2016-njy ýylda “Wilýarrealden’ transfer bolup, ol “Mançester Ýunaýtediň” düzüminde 6 möwsümde 113 duşuşyk geçirdi.
