Futbol boýunça 2024-nji ýylda Germaniýada geçiriljek Ýewropa çempionatynda saýlama tapgyrynyň bijeleri çekildi. Bijä 53 ýygyndy gatnaşyp, olar 10 toparçada çykyş ederler. Toparçalaryň 7-sinde 5, 3-sinde 6 ýygyndy özara güýç synanyşarlar. Toparçalarynda 1-2-nji ýerleri eýelän toparlar EURO 2024-e gatnaşmaga hukuk gazanarlar. Germaniýanyň ýygyndysy ýer eýesi hökmünde saýlama tapgyryna gatnaşmaz. Galan 3 ýygyndy bolsa UEFA Milletler Ligasyndaky netijelere görä kesgitlenip, 2024-nji ýylyň mart aýynda geçiriljek pleý-off tapgyryndan soň belli bolar. Saýlama tapgyrynyň duşuşyklary 2023-nji ýylyň 23-nji martynda başlap, 21-nji noýabrynda-da tamamlanar.
Bijeler barada aýdylanda, Niderlandlar bilen Fransiýanyň ýygyndylary bir toparça düşdi. Soňky çempion Italiýa bilen wise-çempion Angliýanyň ýygyndylary C toparçada çykyş ederler.
EURO 2024-iň saýlama tapgyrynyň bijeleri:
“A”: Ispaniýa, Şotlandiýa, Norwegiýa, Gruziýa, Kipr
“B”: Niderlandlar, Fransiýa, Irlandiýa, Gresiýa, Gibraltar
“C”: Italiýa, Angliýa, Ukraina, Demirgazyk Makedoniýa, Malta
“D”: Horwatiýa, Uels, Ermenistan, Türkiýe, Latwiýa
“E”: Polşa, Çehiýa, Albaniýa, Farer adalary, Moldowa
“F”: Belgiýa, Awstriýa, Şwesiýa, Azerbaýjan, Estoniýa
“G”: Wengriýa, Serbiýa, Garadag, Bolgariýa, Litwa
“H”: Daniýa, Finlýandiýa, Sloweniýa, Gazagystan, Demirgazyk Irlandiýa, San Marino
“I”: Şweýsariýa, Ysraýyl, Rumyniýa, Kosowo, Belarus, Andorra
“J”: Portugaliýa, Bosniýa we Gersegowina, Islandiýa, Lýuksemburg, Slowakiýa, Lihtenşteýn
