Katar 2022-de H toparçadan çykan 2-nji ýygyndy soňky demde belli boldy. 2-nji oýunlardan soň 1/8 final çykmaga hukuk gazanan Portugaliýanyň ýygyndysy Günorta Koreýa bilen duşuşdy. Çekeleşiki geçen oýunda portugallar 5-nji minutda Hortanyň goly bilen öňe saýlandy. Koreýler 27-nji inutda Kim Ýan Wunuň goly bilen hasaby deňledir. Oýnuň 90+1-nji minutynda Son Hyn Miniň pasyndan soň Hwan Hi Çan koreýleri öňe çykardy. Bu gol Günorta Koreýanyň ýygyndysyny 1/8 finala çykaran gol boldy.
Beýleki duşuşykda Urugwaý De Arraskaetanyň 26-njy 32-nji minutlardaky gollary bilen Ganadan 2-0 üstün çykdy. Gananyň düzüminde 21-nji minutda Andre Aýew penaltini dürs urup bilmedi. Ýöne bu ýeňiş Urugwaýa 1/8 finala çykmagy üçin ýeterlik bolmady. Koreýa bilen gol aratapawudy deň hem bolsa, geçirilen gollarda aziýalylar artykmaçlyk görkezip, toparçada 2-nji ýeri eýelediler. Urugwaý 2002-nji ýyldan soň ilkinji gezek 1/8 finala çykyp bilmedi. Urugwaýyň ýygyndysy bu duşuşyga çenli Katar 2022-de gol geçirip bilmedik ýeke-täk topardy.
Portugaliýanyň ýygyndysy 1/8 finalda Şweýsariýa bilen, Günorta Koreýa bolsa Braziliýa bilen duşuşar.
