Katar 2022-de soňky 4 duşuşykda ulanyljak topuň ady hem reňki üýtgedildi. Galan 4 oýunda ulanyljak topuň ady “Al Hilm” bolup, ol düýş, arzuw diýen manyny aňladýar. “Adidas” kompaniýasynyň önümi bolan topuň içine ýerleşdirilen çipleriň kömegi bilen birnäçe maglumat edinip bolýar. Şol bir wagtyň özünde ýarym-awtomat ofsaýt ulgamyna-da uly ýardam berýär. “Adidas” kompaniýasynyň ýolbaşçylardan Nik Kraggs täze top barada şeýle diýýär: “Al Hilm sportuň güýjündäki ýagtylygyň alawyny, şol sanda futbolyň birleşdiriji güýjüni aňladýar. Biz toparlaryň 4-sine hem galan duşuşyklarda, final tapgyrynda uly üstünlik arzuw edýäris”.
“Al Hilm” topunda gyzyl reňk hem-de esasan Kataryň baýdagynyň reňki giňden ulanylypdyr. FIFA 2006-njy ýyldan bäri ýarym final we final duşuşyklarynyň toplarynyň adyny we reňkini üýtgedýär.
