Angliýanyň “Premier Ligasynda” arakesme tamamlanyp, 17-nji tapgyryň duşuşyklaryna badalga berildi. Sanawyň lideri “Arsenal” London derbisinde “West Hamy” garşydaşynyň 1-0 öňe saýlanandygyna garamazdan, Edegoryň erjel oýny saýasynda 3-1 ýeňmegi başardy. Belrahmanyň (27) penaltiden geçiren goly bilen öňe saýlanan “West Hamyň” derwezesinden ýeňiş gollaryny Saka (53), Martinelli (58) hem-de Nketia (69) geçirdi. Edil şonuň ýaly netije “Aston Willa” – “Liwerpul” duşuşygynda-da hasaba alnyp, myhmanlar 3-1 hasabynda ýeňşini baýram etdi. Salah, Wan Deýk hem-de 18 ýaşyndaky Baýçetiç geçirdi. “Liwerpuldaky” 172-nji goluny geçiren Mohamed Salah bu ugurda Kenni Dalgliş bilen deňleşdi. Şeýle-de bu goluň pasyny beren 28 ýaşyndaky Andrýuw Robertson “Premier Ligadaky” 231-nji duşuşygynda 54-nji asistini etdi. Şunlukda, ol “Premier Ligada” iň köp asist eden goragçy rekordynyň täze eýesi boldy. Ondan öň bu ugurda 420 oýunda 53 goluň pasyny beren Leiton Baýnes öňde barýardy.
