Şu gün hor­mat­ly Pre­zi­den­ti­miz Ser­dar Berdimuhamedowyň gat­naş­ma­gyn­da paý­tag­ty­my­zyň «Gurt­ly» ýa­şa­ýyş top­lu­myn­da tä­ze gur­lan ýa­şa­ýyş jaý­la­ry­nyň hem-de söw­da, me­de­ni-dur­muş mak­sat­ly bi­na­lar top­lu­my­nyň açy­lyş da­ba­ra­sy bol­dy.

Ir bi­len açy­lyş da­ba­ra­sy­nyň ge­çi­ril­ýän ýe­rin­de Mil­li Ge­ňe­şiň Mej­li­si­niň Baş­ly­gy, Halk Mas­la­ha­ty­nyň Baş­ly­gy­nyň orun­ba­sa­ry, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, har­by we hu­kuk go­raý­jy eda­ra­la­ryň, mi­nistr­lik­le­riň, pu­dak­la­ýyn do­lan­dy­ryş eda­ra­la­ry­nyň, Türk­me­nis­ta­nyň da­şa­ry ýurt­lar­da­ky il­çi­ha­na­la­ry­nyň, hal­ka­ra gu­ra­ma­la­ryň ýa­nyn­da­ky we­kil­ha­na­la­ry­nyň, Aş­ga­bat­da iş­le­ýän da­şa­ry ýurt­la­ryň we hal­ka­ra gu­ra­ma­la­ryň dip­lo­ma­tik we­kil­ha­na­la­ry­nyň, jem­gy­ýet­çi­lik gu­ra­ma­la­ry­nyň, köp­çü­lik­le­ýin ha­bar be­riş se­riş­de­le­ri­niň ýol­baş­çy­la­ry, Aş­ga­bat şä­he­ri­niň hä­ki­mi ýyg­nan­dy­lar.

Döw­let Baş­tu­ta­ny­myz me­de­ni­ýet we sun­gat us­sat­la­ry ta­ra­pyn­dan ýaý­baň­lan­dy­ry­lan joş­gun­ly çy­kyş­la­ra to­ma­şa eden­den soň­ra, ýö­ri­te gur­na­lan ýer­de açy­lyş toý ba­gy­ny kes­di. Hor­mat­ly Pre­zi­den­ti­miz ýur­du­my­zyň iri gur­lu­şyk kär­ha­na­la­ry ta­ra­pyn­dan gur­lan döw­re­bap ýa­şa­ýyş jaý­la­ryn­da, me­de­ni-dur­muş mak­sat­ly des­ga­lar­da dö­re­di­len şert­ler bi­len ýa­kyn­dan ta­nyş­dy.

Türk­me­nis­ta­nyň Pre­zi­den­ti­niň 2018-nji ýy­lyň okt­ýab­ryn­da­ky de­giş­li Buý­ru­gy­na la­ýyk­lyk­da, Se­na­gat­çy­lar we te­le­ke­çi­ler bir­leş­me­si­niň bu­ýur­ma­gyn­da 91,06 gek­tar ýer bö­le­gin­de bi­na edi­len des­ga­la­ryň gur­lu­şyk iş­le­ri­ni ýer­li hu­su­sy kär­ha­na­la­ryň hem-de ho­ja­lyk jem­gy­ýet­le­ri­niň 40-sy­nyň alyp ba­ran­dy­gy­ny bel­le­mek ge­rek. Top­lu­myň çä­gin­dä­ki tä­ze bi­na­la­ryň ha­ta­ryn­da 4 gat­ly ýa­şa­ýyş jaý­la­ry­nyň 62-si, 320 orun­lyk umu­my­bi­lim ber­ýän or­ta mek­dep, 160 orun­lyk ça­ga­lar ba­gy, söw­da we me­de­ni-dynç alyş mer­ke­zi, 2 gat­ly söw­da dü­kan­la­ry­nyň 10-sy, şeý­le-de ba­zar bar. Tä­ze ýa­şa­ýyş jaý­la­ry 1, 2, 3 we otag­ly bo­lup je­mi 3 müň 70-e go­laý ho­ja­ly­ga ni­ýet­le­nen­dir.

Gyzykly bolup bilerЕЩЕ ОТ АВТОРА