Italiýanyň Kubogy ýaryşynda çärýek finalda “Inter” öz meýdançasynda “Atalantany” Darmianyň (57) ýeke-täk goly bilen 1-0 ýeňdi. “Fiorentina” hem öz meýdançasynda “Torinony” Ýowiç (65) we Koneniň (90) gollary esasynda 2-1 hasabynda ýeňlişe sezewar etdi. “Serie A”-da 20 oýunda ýeňiş gazanyp görmedik “Kremonese” topary “Napoliden” soň “Romany” hem ýaryşdan çykardy. Myhmançylykda “Roma” bilen duşuşan “Kremonese” toparynyň gollaryny Siriel Dessers (28 p) bilen Zeki Çelik (49 ö.d.) geçirdi. Belottiniň 90+4-nji minutdaky goly rimlilere ýeňiş üçin ýeterlik bolmady. “Kremonese” topary soňky 18 ýylda kubok ýaryşynda ýarym finala çykan ilkinji topar boldy. 4-5-nji hem-de 25-26-njy aprelde oýnaljak ýarym final duşuşyklarynda “Kremonese” “Fiorentina” bilen “Inter” bolsa “Ýuwentus” ýa-da “Lasio” bilen duşuşar.
