Angliýanyň çempionaty “Premier Liganyň” wekili “Wulwerhempton” topary Braziliýanyň “Flamengo” toparyndan 21 ýaşly ýarymgoragçy Žoao Gomesi 5,5 ýyllyk şertnama bilen 18,5 million dollara transfer etdi.
“Sewilýanyň” daniýaly ýarymgoragçysy Tomas Dileni täzeden “Bundesliga” dolanyp, 31 ýaşyndaky oýunçy “Hoffenhaým” topary bilen möwsümiň ahyryna çenli kärendesine şertnama baglaşdy.
Iňlis kluby “Nýukasl” başga bir iňlis kluby “Ewertonyň” angliýaly ýarymgoragçysy Antoni Gordony 40+5 million funt sterlinge transfer edip, 21 ýaşyndaky oýunçy bilen 5,5 ýyllyk şertnama gol çekişdi.
Italiýanyň “Ýuwentus” klubunyň amerikaly ýarymgoragçysy Weston Makkeni “Premier Liganyň” wekili “Lids Ýunaýtediň” düzümine goşulyp, 24 ýaşyndaky ýarymgoragçy möwsümiň ahyryna çenli bu klubda kärendesine oýnar (möwsümiň ahyrynda ymykly transfer edip biler).
Ispaniýanyň “Sewilýa” kluby Fransiýanyň “Marsel” toparyndan senegally ýarymgoragçy Papa Geýe bilen düzümini güýçlendirip, 24 ýaşyndaky oýunçy möwsümiň ahyryna çenli andalusiýalylar bilen kärendesine ylalaşyk gazandy.
“Tottenham” topary “Çelsiniň” 19 ýaşly iňlis hüjümçisi Jud Sunsap-Belli 2025-nji ýyla çenli şertnama bilen düzümine goşdy we ol täze klubunyň U19 düzüminde çykyş eder.
Italiýanyň “Udineze” kluby Meksikanyň “Tigres” klubunyň 30 ýaşyndaky fransuz ýarymgoragçysy Florian Towen bilen 2,5 ýyllyk şertnama baglaşdy.
Italiýanyň “Roma” kluby Angliýanyň “Lids” toparynyň ispaniýaly goragçysy Diego Llorenteni möwsümiň ahyryna çenli kärendesine transfer edip, gerek bolan ýagdaýynda-da 29 ýaşly oýunçyny tomusda ymykly düzümine goşup biler.
“Bundesliganyň” güýçli klublaryndan “Borussiýa Dortmund” topary belgiýaly 29 ýaşyndaky ýarymgoragçysy Torgan Hazary Niderlandlaryň PSW toparyna kärendesine ugratdy.
Londonyň “Kristal Palas” kluby “Ştutgartyň” fransiýaly ýarymgoragçysy Nauiru Ahamadany 12 million ýewro transfer edip, 20 ýaşly oýunçy bilen 3,5 ýyllyk şertnama baglaşdy.
“Arsenal” kluby 2021-nji ýylda “Anderlehtden” transfer eden 23 ýaşyndaky belgiýaly ýarymgoragçysy Alber-Mboýo Lokongany möwsümiň ahyryna çenli Londonyň başga bir kluby “Kristal Palasa” ugratdy.
“Tottenham” kluby bilen şertnamasyny ýatyran 31 ýaşyndaky irlandiýaly sag gyraky goragçy Mett Doherti möwsümiň ahyryna çenli Madridiň “Atletikosynda” oýnar.
“Nottingam Forest” topary “Atletiko Madridiň” 33 ýaşly brazil goragçysy Felipeni 2,3 million ýewro transfer edip, onuň bilen 2024-nji ýylyň tomsuna çenli şertnama gol çekişdi.
“Mançester Siti” angliýaly goragçysy Aksel Tuanzebeni “Stok Siti” toparyna ugradyp, 25 ýaşyndaky oýunçy täze klubunda möwsümiň ahyryna çenli kärendesine çykyş eder.
“Tottenham” topary “Sportingiň” 23 ýaşyndaky portugaliýaly goragçysy Pedro Porrony möwsümiň ahyryna çenli kärendesine düzümine goşup, ony gerek bolan ýagdaýynda tomusda 45 million ýewro berip ymykly transfer edip biler.
Londonyň “Fulham” topary şäheriň başga bir kluby “Arsenalyň” 31 ýaşyndaky portugaliýaly goragçysy Sedrik Soareşi möwsümiň ahyryna çenli kärendesine transfer etdi.
“Premier Liganyň” iň aşaky ornunda barýan “Southempton” topary Fransiýanyň “Renn” toparynyň ganaly wingeri Kamal Sulemany klub üçin rekord baha bolan 22 million funt sterlinge transfer edip, 20 ýaşly oýunçy bilen 2027-nji ýylyň tomsuna çenli şertnam baglaşdy.
“Fulham” topary “Serie A”-nyň wekili “Torinonyň” 26 ýaşyndkay serbiýaly ýarymgoragçysy Saşa Lukiç bilen 4,5+1 ýyllyk şertnama baglaşyp, onuň transferi üçin italýan toparyna 8 million funt sterling berer.
Rimiň “Lasio kluby möwsümiň 1-nji aýlawyny “Aýntrahtda” geçiren “Ýuwentusyň” 23 ýaşyndaky italýan ýarymgoragçysy Luka Pellegrinini möwsümiň ahyryna çenli kärendesine transfer etdi.
Bary-ýogy 7 duşuşykda meýdança çykan 27 ýaşyndaky ispaniýaly goragçy Hektor Bellerin “Barselonany” terk edip, Lissabonyň “Sporting” toparynyň düzümine goşuldy (möwsümiň ahyryna çenli kärendesine).
“Nottingam Forest” topary PSŽ-niň kosta rikaly ýyldyz derwezeçisi Keýlor Nawasy möwsümiň soňuna çenli kärendesine transfer etdi.
“Mançester Ýunaýted” topary “Bawariýanyň” 28 ýaşyndaky awstriýaly ýarymgoragçysy Marsel Sabitseri möwsümiň ahyryna çenli kärendesinde düzümine goşdy (gerek bolan ýagdaýynda ymykly transfer hem edip biler).
Angliýanyň 3-nji ligasynyň wekili “Derbi Kaunti” topary “Tottenhamyň” 21 ýaşly iňlis ýarymgoragçysy Harwi Waýty möwsümiň ahyryna çenli kärendesine şertnama bilen transfer etdi.
“La Liganyň” wekili “Selta” topary möwsümiň 1-nji ýarymyny “Galatasaraýda” geçiren “Benfikanyň” 30 ýaşyndaky şweýsariýaly hüjümçisi Haris Seferowiçi düzümine aldy (kärendesine).
San babatda tomusdan bäri düzümine 30-a golaý futbolçy goşan “Nottingam Forest” topary “Nýukaslyň” 30 ýaşyndaky hüjümçisi Jonjo Şelwini 2,5 ýyllyk şertnama bilen transfer etdi.
