Geljek ýyl Katarda geçiriljek 18-nji Aziýa Kubogynyň bijeleri çekildi. 2024-nji ýylyň 10-njy ýanwary – 18-nji fewraly aralygynda geçiriljek çempionata 24 ýygyndy gatnaşyp, olar 6 toparçada çykyş ederler.
Bijä laýyklykda, ýer eýeleri, şol bir wagtyň özünde soňky çempion Kataryň ýygyndysy «A» toparçada Hytaýyň, Täjigistanyň hem-de Liwanyň ýygyndylary bilen güýç synanyşar. «B» toparçada Awstraliýadyr Özbegistanyň, Siriýanyň hem-de Hindistanyň milli ýygyndylary duşuşarlar. Çempionlygyň dalaşgärlerinden Eýranyň, BAE-niň, Gonkongyň hem-de Palestinanyň milli ýygyndylary bijeler «C» toparça düşdi. «D» toparçanyň faworiti Ýaponiýanyň ýygyndysynyň garşydaşlary Indoneziýanyň, Yragyň hem-de Wýetnamyň milli ýygyndylary boldy.
Her toparçada 1-2-nji orny eýelänler bilen 3-nji ýeri alanlaryň arasyndaky iň gowy 4-si ýaryşy dowam eder. Çempionatyň duşuşyklary geçen ýyl Dünýä Kubogynyň geçirilen stadionlarynda oýnalar.
“A” TOPARÇA: Katar, Hytaý, Täjigistan, Liwan
“B” TOPARÇA: Awstraliýa, Özbegistan, Siriýa, Hindistan
“C” TOPARÇA: Eýran, BAE, Gonkong, Palestina
“D” TOPARÇA: Ýaponiýa, Indoneziýa, Yrak, Wýetnam
“E” TOPARÇA: Günorta Koreýa, Malaýziýa, Iordaniýa, Bahreýn
“F” TOPARÇA: Saud Arabystany, Tailand, Gyrgyz Respublikasy, Oman
