Saud Arabystanynyň çempionatynyň klublary Ýewropadan ýyldyz oýunçylary transfer etmegini dowam edýär. Ýurduň iň köp çempionlyk gazanan kluby “Al-Hilal” topary Russiýanyň çempiony “Zenit” toparynyň braziliýaly ýyldyzy Malkomy 60 million ýewro transfer etdi. 26 ýaşyndaky oýunçy 4 ýyllyk şertnama gol çekip, ol ýylda 18 million ýewro hak alar. Braziliýaly oýunçy täze klubunda 77-nji belgide oýnar. “Zenitde” 4 möwsümde 109 oýunda 42 gol geçiren Malkom “Korintians”, “Bordo”, “Barselona” klublarynyň köýnekçelerini hem geýipdi.
