“Premier Liganyň” wekili “Nýukasl” toparynyň fransiýaly wingeri Allan Sen-Maksimen hem arap klublarynyň hataryna goşuldy. 32 ýaşyndaky oýunçy Saud Arabystanynyň “Al-Ahli” topary bilen 3 ýyllyk şertnama baglaşdy. Arap kluby Sen-Maksimeniň transferi üçin iňlis toparyna 23 million funt sterling tölär. Fransiýaly oýunçy “Nýukaslda” 4 möwsümde 124 duşuşykda meýdança çykdy. Ol 13 gol geçirip, 21 goluň pasyny berdi. Jidda şäheriniň wekili “Çelsiden” Eduar Mendini, “Liwerpuldan” Roberto Firminony hem-de “Mançester Sitiden” Riýad Mahrezi transfer edipdi. Topara germaniýaly Mattias Ýaýssle tälim berýär.
